[19] Same 113

¹Dou vakavinavinaka vei Jiova! Oi kemudou na Nona tamata; dou vakavinavinaka vua, dou vakavinavinakataka na yaca i Jiova!

²Dou vakacaucautaka na Yaca i Jiova, mai na gauna oqo ka yacova na gauna kecega!

³Mai na cadra ni siga ki na kena dromu me vakavinavinakataki tikoga na Yaca i Jiova.

⁴Sa levu o Koya mai vei ira kecega na veimatanitu, na Nona i ukuuku sa sivia na lomalagi.

⁵O cei sa tautauvata kei Jiova na noda Kalou? O Koya sa tiko ena vanua cecere,

⁶O cei sa vakamalumalumutaki Koya me rawa ni raica na ka sa tu mai lomalagi kei vuravura talega?

⁷Sa vakaturi ira cake na dravudravua mai na kuvu ni soso, sa kauti ira cake mai na vakaloloma mai na dravusa,

⁸Me mai dabe vata kei ira na RavouvouONa Ravouvou ni Nona tamata.

⁹Sa vakatara me dua na nona vale na marama yada, me vaka e dua na tina sa reki tiko ni sa levu na luvena. Me vakavinavinakataki o Jiova!