[19] Same 114

¹Ni sa lako tani mai Ijipita o Isireli, Na vuvale i Jekope mai vei ira na tamata sa duatani na nodra vosa,

²Sa Nona i tikotiko o Juta, Sa Nona o Isireli.

³Sa raica na wasawasa ka dro yani; Sa suka lesu tale na Joritani.

⁴Sa rika na veiulunivanua me vaka na luve ni me, na veidelana lalai me vaka na luve ni sipi.

⁵Na cava e yavalati iko wasawasa, me rawa ni o dro kina? O iko Joritani, ena nomu vuki lesu tale?

⁶O iko ulunivanua e na nomu rika me vaka na luve ni me? Kei iko delana lailai me vaka na luve ni sipi?

⁷Mo sautanini vuravura ena mata i Jiova, ena mata ni Kalou i Jekope,

⁸O Koya sa vukica na veivatu me tobu wai, na veivatu qiwa me i vurevure ni wai.