[19] Same 116

¹Au sa taleitaki Jiova, ni sa rogoca na domoqu, na domo ni noqu kerekere.

²E na Nona sa vakarogoca, au na masuti Koya tikoga ena noqu bula taucoko.

³Na rerevaki ni mate sa lako siviti au, Na mosi vakararawa kei bulu sa vesuki au; Au sa kune leqa kei na rarawa.

⁴Au sa qai masuta na Yaca i Jiova: "I Jiova, au sa kerei Kemuni, mo Ni vakabulai au!"

⁵Sa rui vinaka o Jiova, ka yalododonu; ia, sa yalololoma na noda Kalou.

⁶O Jiova, sa maroroi ira na yalodina; au a vakamalumalumutaki, ka sa vakabulai au o Koya.

⁷Na yaloqu, mo lesu ki na nomu i vakavakacequ. Na Kalou sa rui levu na Nona vinaka vei iko

⁸O Ni sa vakabula na yaloqu mai na mate; Na mataqu mai na wai ni mata, na yavaqu me kakua ni bale.

⁹Au na lako voli ena mata ni Kalou ena vanua ni bula.

¹⁰Au sa vakadinata, au sa qai vosa, "au sa vakararawataki vakalevu."

¹¹Au sa tukuna ena noqu vakatotolo, "Sa lasulasu kecega na tamata."

¹²Na cava me'u cakava vei Jiova, ena vuku ni cakacaka vinaka sa cakava vei au?

¹³Au na taura na bilo ni bula, ka masuta na Yaca i Jiova.

¹⁴Au na cakava mada na ka au sa yalayala kina vei Jiova, oqo, ena matadra na tamata kecega.

¹⁵Sa ka taleitaki ena mata i Jiova, na nodra mate na Nona tamata.

¹⁶Sa dina Jiova, au sa Nomuni tamata; Au sa Nomuni tamata, na luvena na Nomuni vada; o ni sa sereka na kequ i vesu.

¹⁷Au na vakacabora vei Kemuni nei soro ni vakavinavinaka, Au na masuta talega na Yaca i Jiova.

¹⁸Au na cakava mada na ka au sa yalayala kina vei Jiova, oqo, ena matadra na tamata kecega,

¹⁹E na loma ni bai ni vale i Jiova, ena loma ni koro, io, e Jerusalemi. Mo ni vakavinavinaka vei Jiova!