[19] Same 121

¹Au na rai cake ki na veidelanaOna vanua sa lako mai kina na noqui vukevuke?

²Na noqui vukevuke sa lako ga mai vei Jiova, o koya sa bulia na lomalagi kei vuravura.

³Ena sega ni vakatara o koya me yavalati na yavamu; o Koya sa maroroi iko ena sega ni sosovu.

⁴Mo raica, o Koya sa maroroi Isireli, sa sega ni sosovu se moce.

⁵Sa nomu dauveimaroroi o Jiova; O Jiova sa nomu i vakaruru ena ligamu i matau.

⁶Ena sega ni kati iko na siga ena siga, se na vula ena bogi.

⁷Ena maroroi iko o Jiova mai na ca kecega; ena maroroya na yalomu.

⁸Ena veimaroroi o Jiova ena nomu lako yani kei na nomu lako mai, mai na gauna oqo ki na gauna kecega.