[19] Same 122

¹Au sa marau ni ra sa mai tukuna, "Tou mai lako ki na vale i Jiova."

²Jerusalemi, na yavai keimami sa tu oqo ena loma ni nomu matamata ni koro!

³Sa tara o Jerusalemi me vaka na koro sa tali vata,

⁴Era sa lako cake vua o ira na veiyavusa, Na yavusa ni Kalou, na i lesilesi vei Isireli, me ra ia na vakavinavinaka vei Jiova.

⁵Nai tikotiko vakaturaga sa tiko mai kea me ia kina na veilewai, nai tikotiko vakaturaga ni vale i Tevita.

⁶Masulaka na veisaututaki e Jerusalemi: "Me ra vuavuai o ira sa lomani iko.

⁷Mo sautu Jerusalemi, me vuavuai na nomu i tikotiko vakaturaga."

⁸Ena vukudra na taciqu kei ira na noqu i tokani, au na tukuna kina oqo, "Mo vakacegu tiko."

⁹E na vuku ni vale ni Kalou o Jiova, Au na vakaraica na nomuni tiko vinaka.