[19] Same 123

¹Vei Kemuni, au sa rai cake kina, vei Kemuni sa tiko mai lomalagi.

²Io, me vaka na matana na dauveiqaravi vua na nona turaga, kei na matana na vada ki na liga ni nona marama; sa rai vakakina na matai keimami vei Kemuni Jiova na neimami Kalou, me yacova ni o Ni sa yalololoma mai vei keimami.

³Mo Ni yalololoma mai, Jiova Mo Ni yalololoma mai! Keimami sa beci vakalevu sara.

⁴Na yalo i keimami sa vakasinaiti vakalevu ena nodra veivakalialiai na tamata sa bula tu ga vakarawarawa, kei na nodra veibeci na tamata dokadoka.