[19] Same 126

¹Sa vaka ga na tadra, ena Nona sa vakalesui ira tale ki Saioni na vakabobulataki o Jiova.

²Na gusui keimami sa sinai ena veidredrevaki, na yamei keimami sa sinai ena lagasere era sa tukuna kina na veimatanitu, "Ni sa cakava na veika lelevu vei ira o Jiova."

³Sa cakava na veika lelevu vei keimami o Jiova, oqo keimami sa reki kina.

⁴Me ra vakalesui mai Jiova, o ira sa vakabobulataki, me vaka na vei uciwai mai na Ceva.

⁵O ira sa kakaburaki ena tagi, era na tatamusuki ena reki.

⁶O koya sa lako tikoga ki liu ka tagi vakalevu ni sa kakaburaki tiko, ena sega ni vakataratutu, ni na lesu mai ena reki vakaidina, ni sa kauta lesu mai na veivau sila.