[19] Same 127

¹Kevaka sa sega ni tara na vale o Jiova, Era sa oca wale na tara; Kevaka sa sega ni vakatawa na koro o Jiova, era sa yadra wale nai vakatawa.

²E na sega ni yaga na nomudou yadra ena mataka, ka cakacaka tiko me bogi sara, ka kania na kakana ni oca; ni sa solia ga na Kalou, na moce vinaka, vei ira sa lomana.

³Sa dina, o ira na gone sa i votavota mai vua na Kalou, na vua ni kato ni gone sa ka ni veisaumi mai vua na Kalou.

⁴Me vaka na gasau ena ligana na sotia, sa vaka kina na gone ni sa tubu me cauravou mai.

⁵Sa ka ni marau vua na tamata sa sinai na nona taga ena gasau; era na sega ni madua, ena rawarawa ni veivosaki kei ira na kena meca mai na matamata.