[19] Same 138

¹Au na vakacerecerei Kemuni ena yaloqu taucoko; Ena matadra kecega na veikalou au na lagata na vakavinavinaka vei Kemuni.

²Au na cuva vaka ki na Nomuni Vale Tabu, ka vakavinavinaka vei Kemuni, Ena vuku ni Nomuni yalovinaka kei na Nomuni yalodina; ni Kemuni sa vakacerecerea na Nomuni Vosa me uasivia na Yacamuni.

³Ena siga au a tagi yani kina, o Ni sa rogoci au, Ka cakava me'u doudou ka kaukauwa ena yaloqu.

⁴O ira kece na tui e vuravura era na vakavinavinaka vei Kemuni Jiova, ni ra sa rogoca na vosa mai na Gusumuni.

⁵Io, era na lagata na sala i Jiova, ni sa levu ga nai ukuuku i Jiova.

⁶E dina ni sa tiko e cake o Jiova, ia, sa dau nanumi ira na tiko e ra. o ira na dokadoka sa dau raici ira vakayawa o Koya.

⁷E dina ni'u na lakova na loma ni leqa, o Ni na vakabulabulataki au; o Ni na dodoka na Ligamuni me veivorati kei na nodra cudru na Kequ meca, Kei na Ligamuni i matau ena vakabulai au.

⁸O Jiova ena vakataucokotaka na ka kece e baleti au; Na Nomuni yalololoma Jiova sa sega ni mudu. Mo Ni kua ni vakamaumautaka na cakacaka ni ligamuni.