[19] Same 143

¹I Jiova, Mo Ni rogoca na noqu masu, Vakatudaligamuni ki na noqu Kerekere! Ena Nomuni yalodina, Mo Ni sauma na noqu masu.

²Mo Ni kakua ni ia na veilewai kei koya na Nomuni tamata, Ena Nomuni rai, sa sega sara e dua me dodonu e Matamuni.

³Era sa beitaka vakaca na yaloqu o ira na meca; sa butuki sobu na noqu bula ki na qele; sa vakavuna me'u tiko ga ena butobuto, me vakataki ira sa mate tu vakadede.

⁴Sa luvuci vakalevu na yaloqu e lomaqu Sa mai leqa vakalevu kina na yaloqu.

⁵Au vakananuma na veisiga sa oti; Au qai vakanananu ki na ka kece o Ni sa cakava. Au vakatitobutaka na noqu nanuma na cakacaka ni Ligamuni.

⁶Au dedeka na ligaqu vei Kemuni; Na yaloqu sa gadrevi Kemuni, me vaka na qele sa via gunu tu. Sela

⁷I Jiova, mo Ni totolo mai, sa malumu mai na bula ni yaloqu! Mo Ni kua ni vuni tiko, de'u qai vaka e dua sa lako sobu tiko ki nai bulubulu.

⁸Au via rogoca na Nomuni loloma vakayalovinaka ena veimataka, Ni sai Kemuni ga au sa vakadinata; Vukei au me'u, kila na sala me'u dau lako tikoga kina, ni'u sa laveta cake tikoga na yaloqu vei Kemuni.

⁹Sereki au, I Jiova, mai vei ira na kequ meca; Vei Kemuni ga au sa vakaruru kina.

¹⁰Mo Ni vakavulici au, me'u cakava na Lomamuni, Ni sai Kemuni na noqu Kalou; na Yalomuni sa rui vinaka. Ni tuberi au ki na vanua ni dodonu sara.

¹¹Mo Ni vakabulabulataki au, Jiova, ena vuku ni Yacamuni! Ena vuku ni Nomuni yalododonu mo Ni kauta tani na yaloqu mai na leqa kece.

¹²Ena Nomuni yalololoma, mo Ni vakatuvakaduataki ira na kequ meca. Mo Ni vakarusai ira sa vakacacana na yaloqu; Ni sai au na Nomuni tamata.