[19] Same 144

¹Me vakacaucautaki o Jiova na noqu Vatudei, o koya sa vakavulica na ligaqu me vala, kei na i qaqalo ni ligaqu me ia nai valuO

²Na noqu dauloloma dina, kei na noqu koro ni valu, na noqu vale cecere kei na noqu dauniveisereki, na noqu i sasabai sai Koya na noqu i drodro, ka sa vakamalumalutaki ira na noqu tamata vei au.

³Jiova, a cava mada na tamata, mo Ni dau via kilai koya kina? Se na luve ni tamata mo Ni dau nanumi koya kina?

⁴Sa vaka na cagi na tamata; Na nona veisiga, sa vaka ga na i yaloyalo.

⁵Me cuva sobu na Nomuni lomalagi, i Jiova, ka lako sobu mai; Mo Ni tara na veiulunivanua, ka ra na kubou mai.

⁶Mo Ni vakawaqaca na livaliva ka kaburaka yani; mo Ni vanataka na dakai titi ka vakamatei ira.

⁷Mo ni dodoka mai na Ligamuni mai cake; vueti au ka vakabulai au mai na wai levu, mai na ligadra na kai tani.

⁸Na gusudra sa vosataka na ka ca na ligadra i matau, sa liga i matau ga ni lasulasu.

⁹Au na seretaka na sere vou Vua na Kalou ena api e tini na kena wa, au na vakavinavinaka kina vei kemuni.

¹⁰O Koya Na Le Dua sa solia na bula vei ira na tui, o Koya sa vakabulai Tevita na Nona tamata mai nai sele ni veivakamatei.

¹¹Ni vueti au ka vakabulai au mai na ligadra na kai tani, na gusudra sa vosataka na ka ca kei na ligadra i matau sa liga i matau ga ni lasulasuO

¹²Na neimami gonetagane me ra tubu ka cauravou mai, me vaka na kau sa tei. Na neimami goneyalewa talega, me na ka vakamareqeti me vaka na duru ki na i tutu ni vale vakaturaga;

¹³Me ra sinai na neimami lololo ena ka kece e Laukana, na sipi me ra vakasucuma na udolu vakatini ena nodra loma ni bai;

¹⁴Me ra kaukauwa na neimami bulumakau, Me ra kakua na basu bai Me ra kakua na tagi yaso e na salatu.

¹⁵Me ra marau tiko o ira sa vaka oqo. Me ra marau talega o ira sa nodra Kalou o Jiova!