[19] Same 21

¹Ena reki tiko na Tui ena Nomuni kaukauwa, Jiova; ena Nomuni veivakabulai sa ka levu sara na nona reki!

²O Ni sa solia vua na ka sa gadreva na yalona, ka o Ni sa sega ni bureitaka vua na kerekere ni gusuna. Sela.

³O Ni sa sotavi koya ena ka vinaka e veivakasaututaki; na uluna sa vakaisalataki ena koula dina.

⁴Sa kerea na bulaOO Ni sa solia vua na bula balavu e sega ni mudu.

⁵Sa levu na nona qoroi ena Nomuni veivakabulai; na dokai kei na lagilagi o Ni sa vakatikora vua.

⁶O Ni sa vakayacori koya me vakarokorokotaki ka sega ni mudu; o ni sa vakayacori koya me nona na marau ena kemuni serau.

⁷Na tui sa vakararavi vei Jiova, sa sega ni yavalati rawa o koya, e na vuku ni yalololoma i koya sa Cecere sara.

⁸Na Ligamuni ena kunei koya na Kemuni meca; na Ligamuni i matau ena kunei koya sa cati Kemuni.

⁹O Ni na cakava me ra vaka na lovo sa caudre tu, e na gauna ni nomuni cudru o Jiova ena tilomi ira ena Nona cudru katakata, na bukawaqa ena cemuri ira.

¹⁰O Ni na vakarusa na nodra kawa mai vuravura, na i tabatamata mai vei ira na luve ni tamata.

¹¹Ni ra sa nakita na ca vei Kemuni, era sa bukia na vere sa dredre me ra vakayacori.

¹²O koya oqo, o Ni na vukici ira vakanadaku; o ni na vakarautaka na gasau ki na kena wa, me vakadodonu ki matadra.

¹³Mo ni vakacerecerei Jiova, e na Nomuni kaukauwa! Keimami na sere ka vakalagilagia na nomuni kaukauwa.