[19] Same 20

¹Me rogoci iko mada o Jiova, ena gauna ni leqa; me totaki iko na Yaca ni Kalou i Jekope;

²Me tala mada yani na Nona veivuke, mai na Nona Vale Tabu, ka vakaukakauwataki iko mai Saioni;

³Me nanuma mada na ka kecega o sa dau vakacabora vua, ka me ciqoma talega na nomu i soro kama. Sela

⁴Me solia mada vei iko, me vaka sa gadreva na yalomu, ka sotava taucoko na nomui naki.

⁵Keimami na reki ena Nomuni veivakabulai, ena Yaca ni noda Kalou, keimami na vakarewataka na drotini! Me vakayacora mada ga o Jiova na nomuni vakatutu.

⁶Oqo, au sa kila, ni sa vakabula na Nona lumuti na Kalou; sa vaka io mai o Koya mai lomalagi, e na Ligana i matau sa daudina.

⁷E so era sa vakararavi ki na kareti; e so era vakararavi ki na ose; io, oi keda me da nanuma na yaca ni noda Kalou o Jiova.

⁸E ra sa cuva ka bale eso; io, oi keda eda sa tucake ka tu vakadodonu.

⁹Ni veivakabulai Jiova! Me vaka io na Tui, ni keimami sa kaci vua.