[19] Same 24

¹Sa nei Jiova o vuravura kei na ka kecega sa sinai kina, na veivanua kei ira sa tiko kina.

²Sa tauyavutaki vuravura ena dela ni wasawasa ka vakadeitaka ena dela ni wai e levu.

³O cei me cabe cake ki nai tikotikoi Jiova? Se, o cei me tucake tu e na Nona vanua tabu?

⁴O ira ga sa liga savasava ka yalo savasava, o ira sa sega ni gole tiko na yalodra ki na matakau, se cavuta tiko na veivakaisini.

⁵E na taura na veivakalouvinakataki mai vei Jiova, kei na yalododonu mai vua na Kalou nai vakabula.

⁶Oqo o Jekope, nai tabatamata sa vakasaqara na Kalou, o ira sa vakasaqarai kemuni Jiova.

⁷Dou tacake oi kemudou na matamata! Kemudou na katuba sega ni mudu, dou ta cake! Ena curu mai na Tui vakaiukuuku.

⁸O cei na Tui vakaiukuuku? O Jiova na kaukauwa ka Qaqa, o Jiova na Qaqa mai nai valu.

⁹Dou ta cake na matamata! Dou ta cake na katuba sega ni mudu! Ena curu mai na Tui vakaiukuuku.

¹⁰O cei na Tui vakaiukuuku? O Jiova sa tiko, Sai Koya ga na Tui vakaiukuuku.