[19] Same 4

¹Mo ni rogoci au ni'u sa dau kaci yani, na Kalou, ni noqu yalododonu! O ni sa vakacegui au ena gauna dredre; Mo ni yaloloma mai ka rogoca na noqu masu.

²Oi kemudou na luve ni tamata, sa cava soti na kena dede ni nomudou vukica tiko nai ukuuku ni Kalou, me ka e veivakamaduataki? Sa cava soti na dede ni nomudou lomana tiko kina na ka wale? Kei na nomudou vakasaqara tiko na ka lasu? Sela

³Ia, mo dou kila oqo, sa tawasei ira na yalododonu na Kalou me ra nona: Na Kalou o Jiova sa daurogoci au, ni'u sa dau kaci yani vua.

⁴Dou cudru, ia, dou kakua ga ni valavala ca kina, vakanananu kina lomamu ena nomu i mocemoce, ka tiko vakamalua. Sela

⁵Vakacabora nai soro ni yalododonu, ka vakararavi tiko ga vei Jiova.

⁶Lewe vuqa era tukuna, "O cei ena vakaraitaka vei keda e dua na ka vinaka?" I, Jiova, mo ni veivakararamataki tikoga vei keimami.

⁷O ni sa vakatikora ki na yaloqu na marau. Sa uasivi na marau ena gauna ni tatamusuki.

⁸Au sa davo ena vakacegu, ka moce talega, ni sai kemuni duadua ga Jiova, na vuni noqu tiko vinaka.