[19] Same 3

¹I Jiova, sa tubu tikoga na dredre au sa vakaleqai tiko kina! Era sa lewe levu sa tubu me veivala kei au.

²Era sa tukuna tiko, "Sa sega ni vukei koya tiko na Kalou." Sela.

³Ia, oi kemuni na Kalou na noqu i sasabai, na noqu i ukuuku, oi kemuni sa daukeveta cake na uluqu.

⁴Au sa daukaci vei kemuni ena yaloqu dina, o ni sa daurogoci au mai na Nomuni ulunivanua Tabu. Sela.

⁵Au a davo ka moce; au sa yadra tale, sa maroroi au tikoga na Kalou.

⁶Au na sega ni rerevaki ira na tini vakaudolu na tamata, era sa tuva vakaivalu vei au.

⁷Ni tucake Jiova, Ni vakabulai au na noqu Kalou; o ni sa yaviti ira kecega ka musuka na batidra na tamata ca.

⁸Na veivakabulai sa Nona duadua na Kalou, Jiova na nomuni veivakasaututaki, me tu ga vei ira na nomuni tamata.