[19] Same 2

¹Na Nona Qaqa Na Mesaia Kei Na Nona Matanitu 1 Na cava era sa daucudru kina na veimatanitu, ka era sa daubuki vere kina na kena tamata?

²O ira na Tui kei ira na veiliutaki, era sa bosea vata me ra veicoqacoqa kei na Turaga o Jiova kei koya na nona i lumuti, ka tukuna,

³"Me da musuka ka viritaka vakayawa na kedrau i vesu kei na kedrau i vau mai vei keda."

⁴O koya sa tiko mai lomalagi sa dredre; o Jiova ena vakasesei ira.

⁵E vosa vei ira ena nona cudru katakata: ka vakararawataki ira ena yalo sa sega dina ni marautaka:

⁶"Io, au na vakatikora na noqu Tui ena Ulunivanua Tabu o Saioni."

⁷"Au na kacivaka na lewa, sa tukuna vei au o Jiova, 'O iko ga na Luvequ, ena siga oqo au sa vakatuburi iko kina.

⁸Kerea mai, Au na solia vei iko, na veimatanitu me nomui votavota, kei nai yalayala kei vuravura mo taukena.

⁹E nai titoko kaukamea, o na vorolaki ira kina; Era na vorolaki me vaka na bilo e ligana sa daubulia na bilo.'"

¹⁰O koya oqo, mo ni vuku mada na tui kei vuravura; mo ni vakasalataki mada na daulewa e vuravura.

¹¹Mo ni qarava na Kalou ena rere, ka reki ena reki vakaidina.

¹²Reguca na Luvena nai Lumuti, de qai cudru o koya, dou na qai rusa dina. Sa vakalailai ga na nona cudru katakata, ia sa vakalouvinakataki o koya sa vakararavi vei Jiova.