[19] Same 1

¹Sa kalouvinaka na tamata sa sega ni muria tiko na nodra i vakasala na tamata ca, se tu ena nodra tikina nai valavala ca, se tiko e na nodra i tikotiko na dauveivakalialiai;

²Ia, sa marau tikoga ena vosa ni Kalou, sa tikoga ena i vunau i Jiova na nona vakanananu e na siga kei na bogi.

³Ena vaka na vunikau sa tei e na bati ni uciwai, ena kauta mai na vuana ena kena gauna dina, na drauna ena drokadroka; kei na ka kecega ena cakava o koya ena yaco.

⁴Ena sega ni vakakina na tamata ca, ena vaka ga na qa ni sila sa daucagina tani yani.

⁵O koya oqo, era sa sega kina ni tudei o ira na tamata ca, ni ra sa lewai, se o ira nai valavala ca, e na nodra i soqosoqo nai valavala dodonu.

⁶Ni sa kila na Kalou na nodra i valavala na yalododonu, ia, na nodra i valavala na tamata ca, era na rusa vata.