[19] Same 42

¹Me vaka sa vakaboica na mataniwai na me kila, sa vakaboboi vaka kina na yaloqu vei Kemuni na noqu Kalou.

²Sa via gunu na yaloqu vua na Kalou, vua na Kalou bula. Na gauna cava beka, me'u na tu kina ena mata ni Kalou?

³E na siga kei na bogi, sa kequ kakana tu ga na wai ni mataqu. E ra sa tukuna tikoga mai vei au, "E vei na nomu Kakou?"

⁴Ni'u sa nanuma na vei ka oqo, au sa sova na yaloqu ki lomaqu; ni'u a dau lako vata kei ira ki na vale ni Kalou, ena domo ni reki kei na vakavinavinaka, kei nai soqosoqo levu sa dau maroroya na nona solevu Tabu.

⁵Na yaloqu, ena cava o sa yalo lailai kina? Ena vuku ni cava o sa vakatataro kina e lomamu? Mo nuitaka na Kalou, au na vakavinavinaka vua na Kalou ni sa vukei au na Matana.

⁶Noqu Kalou, sa vakayalolailaitaki na yaloqu e lomaqu, Au na vakananumi Kemuni mai na vanua o Joritani, mai na vanua cecere o Erimoni, mai na Delana e Maisa.

⁷Mai na domo ni savu sa kaciva kina na titobu. Sa mai luvuci au na Nomuni ua lalai kei na ua lelevu.

⁸Na Kalou ena vakarota na Nona yalovinaka ena siga levu, ena bogi na Nona sere ena tiko vata kei au”Na masu vua na Kalou ni noqu bula.

⁹Au na tukuna vua na noqu Kalou, "Na noqu vatulevu. Ena cava o sa guilecavi kina? E na cava ka'u sa tagi vakararawa kina ena vukudra na meca dau veivakacacani?"

¹⁰Sa ramusu na suiqu, au sa vakacalai mai vei ira na meca ka ra tukuna, "E vei na nomu Kalou?"

¹¹Ena cava o sa yalolailai kina na lomaqu? Mo nuitaka na Kalou. Au na vakavinavinaka vua, na rai vinaka ni mataqu vua, kei na noqu Kalou.