[19] Same 41

¹Sa kalouvinaka o ira sa dau nanumi ira na dravudravua. O Jiova ena vakabulai koya ena gauna ni leqa.

²O Jiova, ena taqomaki koya, maroroi koya me bula tiko, ena vakalouvinakataki e vuravura; Oi Kemuni, o Ni sa sega ni soli koya ki na nodra veitalia na kena meca.

³O Jiova ena vakaukauwataki koya mai na nona i davodavo ni tauvimate; ka na vakabulai koya mai na nona i davodavo ni tauvimate.

⁴Au sa tukuna, Jiova "Mo ni yalodina tikoga mai vei au; mo ni vakabula na yaloqu, ni'u sa valavala ca vei Kemuni."

⁵Era sa vosacataki au na kequ meca: "E na mate ena gauna cava o koya, ka na yali yani na yacana?"

⁶Kevaka sa lako mai o koya me raici au, sa vosa ca tikoga, e yalona sa kumuna tikoga na ka ca, ni sa lako yani, sa talanoa yarayara ga.

⁷O ira kece era cati au, era sa vakasolokakanataki au, ka veitukunayaka na ka me'u ca kina.

⁸Era sa tukuna, "Sa dua na mate ca, sa tauvi koya tiko. Ia oqo ni sa davo no, ena sega ni tucake tale."

⁹O koya mada ga na noqu i tokani voleka dina, o koya au dauvakabauta, e dau kania na kequ madrai sa vorati au tale.

¹⁰Ia Oi kemuni ga Jiova, mo Ni yalololoma mai, ka vakaturi au cake, me'u sauma vei ira.

¹¹Ena ka oqo, au sa kila kina ni o ni sa dau rekitaki au, baleta ni ra na sega ni qaqa vei au na kequ meca.

¹²Mo Ni toro mai, o Ni sa laveti au cake ena vuku ni noqu dina, ka biuti au tiko e matamuni me sega ni mudu.

¹³Me vakcaucautaki o Jiova na Kalou kei Isireli, mai na sega ni mudu kina sega ni mudu! Emeni, Emeni.