[19] Same 44

¹Keimami sa rogoca, na Kalou, ni ra sa tukuna vei keimami o ira na neimami qase, na veika o Ni sa cakava, ena nodra veigauna, ena veisiga e liu:

²Na Nomuni cemuri ira na veimatanitu, ena Ligamuni, o ira o Ni sa tei ira; ia o Ni sa vakamavoataki ira ka biuti ira laivi.

³Era sega ni taukena na vanua, ena nodra i seleiwau, se ni sa vakabulai ira na ligadra; Na Ligamuni i matau ga, na Ligamuni ga, kei na rarama ni kemuni rairai, io, baleta ni o Ni sa totaki ira.

⁴O Ni sa noqu Tui, na noqu Kalou: o Ni sa vakarota na qaqa vei Jekope.

⁵Mai vei Kemuni ga era na biligi sobu kina na meca, mai na Yacamuni ga keimami na butubutuki ira, o ira sa tu me veimecaki kei keimami.

⁶Ni oi au, au na sega ni vakararavi ki na dakai se ki nai seleiwau me vakabulai au.

⁷Oi kemuni ga sa vakabulai keimami mai vei ira na meca, ka vakamaduataki ira sa via cati keimami.

⁸Na Kalou, keimami sa boletaka ena siga kecega, ka vakavinavinakataka sega ni mudu. Sela

⁹Ia, o Ni, sa biuti keimami ka vakamaduataki keimami. o Ni sa sega ni lakovata kei ira na neimami mataivalu.

¹⁰O Ni sa vakavuna me keimami dro mai vei ira na meca, o ira sa cati keimami era sa kauta nai toki ni valu.

¹¹O Ni sa soli keimami me vaka na sipi me laukana. Ka vakasavi keimami ki na veimatanitu.

¹²O Ni sa volitaki ira na nomuni tamata ka sega ni saumi, era sa sega ni vakaiyaulevutaki ena kedra i sau.

¹³O Ni sa cakava me ra cati keimami o ira na weka i keimami, vosacataki, vakalolomataki mai vei ira kecega sa tu vakavolivoliti keimami.

¹⁴O Ni sa cakava me keimami sa ka ga ni vosa wale vei ira na veimatanitu, era sa kuretaki ulu na tamata.

¹⁵Na noqu beci sa tu e mataqu ena gauna kecega, na madua ni mataqu sa ubi au,

¹⁶Baleta na domona na dauvosavakacaca, na dauveivakalewai, baleta na meca kei koya na dauveivala.

¹⁷Na ka kece oqo sa lutuki keimami; ia keimami sa sega ni guilecavi Kemuni, se vakalasuya na Nomuni veiyalyalati.

¹⁸Na yaloi keimami e se sega ni vuki tani, se na neimami kalawa me lako tani mai na Nomuni sala;

¹⁹O Ni sa vakadatuvutaki keimami ena nodra vanua na koli ni veikau, ka ubi keimami ena i yaloyalo ni mate.

²⁰Kevaka keimami sa guilecava na yaca ni neimami Kalou, se goleva na veikalou tani,

²¹Ena sega beka ni na vakadikeva oqo na Kalou? Sa kila o Koya na ka vuni ni yalo.

²²Ia, ena vuku ni keimami sa vakamatei tiko ena siga taucoko; keimami sa vaka na sipi sa votai me vakamatei.

²³Mo Ni yadra mai, na cava o Ni sa moce kina, Jiova? Mo Ni tucake, me keimami kua ni biu laivi vakadua.

²⁴Ena cava o Ni sa vunitaka kina na matamuni, ka guilecava kina na neimami vakararawataki kei na neimami vakabobulataki?

²⁵Na yaloi keimami sa vakanamata ki na kuvu ni soso, kei na yagoi keimami ki na qele.

²⁶Mo Ni tucake ka veivuke ka vakabulai keimami ena vuku ni Nomuni yalololoma ga.