[19] Same 45

¹Sa luvuci na yaloqu e nai ulutaga vinaka oqo; Au sa cavuqaqataka na lewena me baleta na Tui; Na yamequ sa peni ni volavola sa vakarau tu me volalvola.

²O sa matavinaka sara mai vei ira na luve ni tamata; Sa sovaraki ki na Tebenigusumuni na loloma; o koya oqo sa vakalovinakataki iko tiko kina na Kalou me sega ni mudu.

³Vauca na nomuni i sele ena sagamuni, oi Kemuni na le Duabau ga, ena Nomuni ukuuku kei na Nomuni lagilagi.

⁴Ena Nomuni cecere, o Ni sa vodo vaka vutuniyau baleta na dina, yalomalumalumu kei na yaloddodonu; Na Ligamuni matau ena vakavulici Keimuni ena ka e veivakurabuitaki.

⁵Na Nomuni gasau ni dakai sa gata ena lomana na meca ni Tui; era sa cuva ena ruku ni Yavamuni.

⁶Na Nomuni tikotiko vakaturaga sa Sega ni mudu; Nai vakatakilakila ni yalododonu sa vakatakila na Nomuni matanitu.

⁷O Ni sa lomana na yalododonu. Ia o Ni sa cata na caka cala; ia o Koya na Kalou, na Nomuni Kalou, sa lumuti Kemuni, ena waiwai ni reki, e uasivi mai na nodra na Nomuni tokani.

⁸Na Nomuni ubi kece era sa vakaboivinakataki ena mura, ena yasi kei na kasi mai na Nomuni Vale Tabu, na vanua ni Nomuni marau.

⁹O ira na Raluve era sa maliwai ira na Nomuni vada yalovakamarama; ena ligamuni matau sa wavutu na ranadi ena koula mai Ofira.

¹⁰Mo vakarorogo na raluve, rogoca ka vakatudaliga mai; guilecavi ira na nomu tamata kei na vale nei tamamu;

¹¹Me rawa vua na Tui me gadreva vakalevu sara, na kemuni totoka, baleta ni o Koya, e nomu Turaga, lotu vua.

¹²Era sa lako mai na goneyalewa ni Taia vata na nodra i loloma; o ira na vutuniyau mai vei ira na tamata era na vakasaqara na Nomuni veitokoni.

¹³Na raluve sa vakaiukuukutaki ena loma ni vale ni Tui; sa vakaisulu ena koula sa tali.

¹⁴E na kau mai o koya vua na Tui ena i ubi sa dui rokaroka; o ira na goneyalewa kei ira na nonai tokani sega cala era sa muria na raluve, era na kau mai vei Kemuni.

¹⁵Ena marau kei na reki, era sa kau mai kina; e ra na curu ki na Vale ni Tui.

¹⁶E ra na vuki me luvena na Tamamuni, o ni na vakayacori ira me ra ravouvou ena vuravura taucoko.

¹⁷Na Yacamuni ena nanumi ena i tabatamata kecega; o koya oqo era na vakacaucautaki kemuni kina na tamata mai na gauna oqo ka lako yani me sega ni mudu.