[19] Same 48

¹Sa cecere o Jiova, ka me vakacerecerei na Kalou ena koro ni Kalou, e na Nona ulunivanua Tabu.

²Na koro e totoka na kena i tikotiko, e rekitaka o vuravura taucoko, na Ulunivanua o Saioni, na yasana ki na vualiku, na koro nei Koya na Kalou levu.

³Sa tiko na Kalou ena kena veivale cecere, sa kilai o Koya me nonai drodro.

⁴Era na soqoni vata mai na Tui, ka e ra sa lako vata mai.

⁵Era sa raica ka qoroqoro, era sa vakayavalati ka vakatotolo tani yani.

⁶Sa tauri ira na rere mai kea, na mosi, me vaka na yalewa sa taratara,

⁷Me vaka na Nomuni vakavoca na waqa mai Tasisi ena cagi ni Tokalau.

⁸Me vaka keimami a rogoca, ia, oqo keimami sa raica, ena koro nei Jiova ni lewevuqa, na koro ni Kalou: Na Kalou ena vakadeitaka ka sega ni mudu. Sela

⁹Keimami sa nanuma ga, na Kalou, na Nomuni yalovinaka, ena loma ni Nomuni Vale Tabu.

¹⁰Me vaka kina na Yacamuni, na Kalou, sa vaka kina na Nomuni vakacerecerei ki nai yalayala kei vuravura; na Ligamuni matau sa sinai ena yalo dodonu.

¹¹Me reki na Ulunivanua o Saioni. Me ra marau na goneyalewa nei Juta, ena vuku ni Nomuni lewa.

¹²Moni lako volivoliti Saioni, mo Ni vakavoliti koya, mo Ni wilika na kena vale cecere;

¹³Vakatakilakilataka na kena bai ni valu; nanuma na veivale lelevu; me rawa ni o talanoataka vakavinaka vei ira nai taba tamata sa muri tiko mai.

¹⁴Oqo na Kalou, na noda Kalou ka sega ni mudu; sa dauveituberi o Koya me yacova nai bulubulu.