[19] Same 49

¹Mo ni rogoca oqo oi kemuni na tamata, dolava mai na daligamuni oi kemuni na kai vuravura,

²Oi kemuni e ra, kei kemuni e cake, vutuniyau se dravudravua, kemuni taucoko.

³Na gusuqu ena kauta mai na yalo matua kei na vakanananu ni lomaqu ena kauta mai na kila ka.

⁴Au na dolavi au ki na vakaibalebale; au na vakaraitaka na noqu vosa vuni ena Api.

⁵Na cava me'u rere kina ena gauna ca ni ra sa voliti au nai valavala ca era tu e ruku ni yavaqu?

⁶O ira sa dau vakararavi ki nai yau, ka dokadoka ena vuku ni nodra i yau levu,

⁷E na sega ni dua vei ira oqo, ena rawa ni volia lesu na tacina se solia vua na Kalou na kenai sauO

⁸Me baleta nai voli ni yalodra me ra bula kina, sa rui sivia, ena sega ni rawa vakaduaOO

⁹Me bula tikoga ka sega ni mudu ka sega ni raica na i bulubulu.

¹⁰Ni sa raici ira na tamata vuku era mate o ira na lailai ka lecaika, era sa rusa, ia, era sa biuta tu na nodra i yau vei ira tale eso.

¹¹Ena vakanananu, era nanuma ni ra tu ga ka Sega ni mudu, na nodra i tikotiko ki nai taba tamata kecega; era sa vakayacani ira ga ki na nodra vanua.

¹²Ia, na tamata, e dina ni vakarokorokotaki, ena sega ga ni tiko tale; o koya sa vaka na manumanu ena rusa.

¹³Oqo na nodra i sala na lialia, kei na nodra veimataka o ira sa vakarorogo vua,

¹⁴Me vaka na sipi era sa vakadavori e nai bulubulu; o mate e na kani ira, o ira sa dododu sara era na vakatulewa vua ena mataka; kei na nodra totoka ena tilomi mai nai bulubulu, me yawa mai na nodra i tikotiko.

¹⁵Ia, na Kalou ena vakabula na yaloqu mai na kaukauwa ni bulubulu, ni na tauri au o koya - Sela.

¹⁶Kakua ni leqa kevaka e dua sa vutuniyau, se, kevaka sa vakatuburi cake nai ukuuku ni nona vale;

¹⁷Ni sa mate o koya, sa sega ni kauta e dua na ka; se muri koya na nona veika qoroi.

¹⁸E dina ni se bula tiko, sa vakasaututaki koya, (ni tamata, era na laveti iko ni o caka vinaka vei ira),

¹⁹E na lako o koya ki na nodra kawa na nona qase; era na sega ni raica na rarama.

²⁰Na tamata sa dokai, ia ka sa sega vua na yalomatua, sa vaka ga na manumanu ena rusa yani.