[19] Same 55

¹Mo Ni rogoca na noqu masu, na Kalou, mo Ni kakua ni vunitaki kemuni mai na noqu vakanananu.

²Mo Ni tu mai ka rogoci au; au sa tagitagi ka sega ni vakacegu ena noqu vakaiulubale tiko,

³Ena vuku ni domodra na kequ meca, ena vuku ni nodra veivakasaurarataki na tamata ca; Ni ra sa kauta sobu mai na leqa ki vei au, Ena cudru katakata era sa cati au.

⁴Sa mosi vakalevu na yaloqu e lomaqu, kei na rarawa ni mate sa lutuki au tiko.

⁵Na rere levu kei na sautanini sa tarai au mai, na veivakarerei levu sa vesuki au.

⁶Au sa qai tukuna, "io, au sa vakatabana me vaka na ruve! Au na vuka tani ka vakacegui tiko.

⁷Io, au na lako vakayawa sara, ka la'ki tiko ga ena vanua sa lala tu. - Sela.

⁸Au na vakatotolotaka na noqu dro mai na cagi kaukauwa kei na cagi voravora."

⁹I Jiova, mo Ni vakarusa ka wasea na yamedra, Ni'u sa raica na veivakamavoataki kei na veiba e na loma ni koro.

¹⁰Ena siga kei na bogi era sa lako voli e na bai ni koro; na ca kei na leqa sa tiko ena kedra maliwa.

¹¹Sa tiko e loma na veivakarusai; na veivakaisini, kei na ka vakaisi sa sega ni yali e na nodra sala.

¹²Sa sega ni o koya na meca sa vakacacani au.

¹³Ia, Sai iko ga, e dua sa tautauvata kei au, o koya ga au sa kila.

¹⁴Keitou sa veivakasalataki vakataki keitou vakavinaka sara, keimami sa lako vaka lewe levu ki na vale ni soro.

¹⁵Me vesuki ira na mate, me ra lako bulabula ki eli; ni sa tiko vata kei ira na ca ena nodra i tikotiko.

¹⁶Io, vei au, au na kaci vua na Kalou, ka na vakabulai au na Kalou.

¹⁷Ena yakavi kei na mataka kei na siga levu. Au na masu, ka kaci vakalevu, ena rogoca o Koya na domoqu.

¹⁸Sa vakabula na yaloqu o Koya e na vakacegu mai nai valu sa caka me baleti au. Ni ra sa lewe vuqa era sa cati au.

¹⁹Na Kalou ena rogoca ka vakararawataki ira, Ia o Koya sa bula mai liu sara. Sela. Baleta ni ra sega ni veisau, o ira era sa sega ni rerevaka na Kalou.

²⁰Sa dodoka na Ligana me vorati ira sa via vakacegu vua; Sa voroka o koya na Nona veiyalayalati.

²¹Na vosa ni gusuna sa vinaka cake mai na bata, ia na veivala sa tu e lomana, na nona vosa sa malumu mai na waiwai, io, sai seleiwau ga sa vakarau tu.

²²Biuta na nomui colacola vei Jiova, ena tokoni iko o koya. Ena sega ni vakatara me ra yavalati na yalododonu.

²³Ia, sai Kemuni ga na Kalou, o Ni na kauti ira sobu mai ki na qara ni veivakarusai; na tamata dau gunu dra ka veivakaisini, ena sega ni bulataka na veimama ni nona veimataka; io, oi au, au na vakadinati kemuni.