[19] Same 58

¹Dou sa veivosakitaka tiko li na yalododonu oi kemudou sa dau tiko lo? Dou sa lewa vakadodonu tiko li na luve ni tamata?

²E sega, dou sa daucakava na ka ca mai na vu ni yalomudou; Na ligamudou sa kaukauwa e vuravura.

³O ira na tamata ca era sa susugi vata na ca mai na kete; e ra sa lako vakasese ni ra se qai vakasucumi mai, era sa tamata lasulasu.

⁴Na kedra gaga sa vaka na gaga ni gata; era sa vaka na gata didivara, ni ra sa vakavaravarai ira,

⁵E ra na sega ni vakarorogo vei ira na dauvakacuru, veitalia na nona maqosa na dauvakacuru.

⁶Me vakaramusutaki na batidra e lomadra, Na Kalou! Me vakaramusutaki na batidra gaga na luve ni laioni, I Jiova!

⁷Me ra sa vakadrodroi yani me vaka na wai sa dau drodro tikoga; Ni sa loveca na nona dakai titi, na kena gasau me sa musumusu vaka matai lalai.

⁸Me ra sa vaka na "LA" sa waicala yani ni sa lako tiko, me vaka e dua sa mate ni sucu dole, ni sa sega ni raica na siga.

⁹Ni bera ni vakila na kama culacula na kuro, ena kauta tani, me vaka na covulaca, ena Nona cudru katakata ke vo na bula.

¹⁰O ira na yalododonu era na marau ka reki ni ra raica na veisausaumi; Ena savata na Yavana ena nodra dra na daucaka cala,

¹¹Era na tukuna na tamata, sa dina sa dua dina nai votavota ni yalododonu; "Sa dina sara, sa Kalou o Koya, ni sa lewai vuravura."