[19] Same 57

¹Mo Ni yalololoma mai, Na Kalou, mo Ni yalololoma mai! Na yaloqu sa vakararavi vei kemuni; ena i yaloyalo ni Tabamuni au na cakava me noqui drodro, me yacova ni sa lako sivi au na dredre oqo.

²Au na kaci yani vua na Kalou cecere oqo, ki vua na Kalou o koya sa cakava na ka kecega oqo vei au.

³Na Kalou, ena veitalai mai Lomalagi, me vakabulai au; ena sega ni vakatara e dua me mai tilomi au. Sela. Sa vakatala mai na Kalou na Nona yalololoma kei na Nona dina.

⁴Sa tiko vata kei ira na laioni na yaloqu; Au sa davo vata kei ira na luve ni tamata era sa bukawaqa rawa tu, na batidra sa moto lelevu ka moto lalai, na yamedra sai seleiwau gata sara.

⁵Mo Ni cecere na Kalou, ena veiyasana vakalomalagi; Na Nomuni ukuuku me ubia na vuravura.

⁶E ra sa vakarautaka e dua na dai me'u tacori kina; Au sa cuva vakatobuicu; era sa kelia e dua na qara me baleti au; Era sa lutu ga kina o ira. Sela

⁷Sa tudei na yaloqu, na Kalou, sa tudei na yaloqu, au na laga sere vei Kemuni ka vakacaucautaki kemuni.

⁸Mo yadra mai, na noqui ukuuku! Mo yadra mai na wa ni vakatagi kei Na Api! Au na vakayadrata na kida ni mataka.

⁹Au na vakacerecerei kemuni Jiova ena kedra maliwa na tamata; Au na sere vei kemuni ena kedra maliwa na veimatanitu.

¹⁰Na Nomuni yalololoma e yacova na lomalagi kei na nomuni dina ena yacova na o.

¹¹Mo Ni cecere, Na Kalou me uasivia na Lomalagi na Nomuni ukuuku me roboti vuravura.