[19] Same 6

¹I Jiova, Ni kakua ni vunauci au ena Nomuni cudru, ni kakua talega ni cudruvi au ena Nomuni rarawa katakata.

²Mo Ni yalololoma mai Jiova, ni'u au sa tamata malumalumu; mo ni vakabulai au, ni sa malumalumu na noqu sui.

³Na yaloqu talega sa leqa vakalevu. I JiovaOa cava soti na kena dede?

⁴Ni lesu tale mai ka vakabula na yaloqu. I Jiova, ena vuku ga ni Nomuni yalololoma, Ni vakabulai au!

⁵Sa sega na vakanananu veiKemuni, kevaka sa mate e dua, o cei ena vakavinavinaka veikemuni mai nai bulubulu?

⁶Au sa vutugu tiko ka oca mai: sa nawa na noqui mocamoce ena bogi taucoko: Na wai ni mataqu sa vakasuasuataka na noqu i mocemoce.

⁷Au sa wamalai mai ka rairai qase, ena vukudra na kequ meca.

⁸Dou lako tani vei au oi kemudou sa dau kitaka na ka ca; sa rogoca na noqu tagi o Jiova.

⁹Sa rogoca o Jiova na noqu kerekere, sa vakabauta, ka ciqoma na noqu masu.

¹⁰Me ra madua kece na kequ meca ka vakaleqai; me ra madua vakasauri, ka lesu tale.