[19] Same 68

¹Mo ni tucake na Kalou, me ra veiseyaki na meca; o ira talega sa cata na Kalou, era na dro e matana.

²Me vaka sa vagolei tani na kubou, me ra sa vakagolei tani, me vaka sa waicala na drega ni sa kama, me ra rusa talega na tamata ca ena mata ni Kalou.

³Io, mera marau ga na yalododonu; me ra reki tiko ena mata ni Kalou; Io, me sa levu sara na nodra reki.

⁴Sere vua na Kalou, seretaka na vakalevulevui ni Yacana; me vakalevulevui o Koya sa vodo tiko ena veio, na yacana o YAH, reki tikoga e matana.

⁵Na Kalou, ena nonai tikotiko vakaturaga, sa tamadra na sega ni vakatamani, sa dau maroroi ira na yada.

⁶Na Kalou sa vakavuna na duavata ni veiwekani; o ira sa vesuki tu, era sa vakasaututaki; Ia, o ira na vakaduduile, era sa tikoga ena vanua talasiga.

⁷Ia, Na Kalou, Ni o Ni sa lako yani ena matadra na Nomuni tamata; Ena Nomuni sa yabeta yani na vanua levu, Sela.

⁸Sa yavavala na vanua, sa vakatauca na uca o Lomalagi e Matamuni; na Kalou; o Sainiai e toso e Matamuni na Kalou, Na Kalou ni Isireli.

⁹Kemuni na Kalou, ni tala mai vakalevu na uca, o Ni sa vakadeitaka na Nomuni votavota, ena gauna sa oca kina na tamata.

¹⁰Na Nomuni soqosoqo levu sa tiko kina. Sai kemuni na Kalou, o Ni sa vakarautaka mai na Nomuni yalovinaka me baleti ira na dravudravua.

¹¹Na Kalou sa solia na vosa; sa levu sara, o ira sa veitukuniyaka yani:

¹²"O ira na turaga ni valu, era sa veidroyaki, era sa veidroyaki yani, o koya na yalewa sa tiko e vale sa wasea nai toki ni valu.

¹³E dina, ni o na davo no ena kedra maliwa na sipi, o na vaka ga na taba ni ruve sa botani ena siliva, kei na vutina era koula dromodromo sara."

¹⁴Ia, na Kalou, ni sa kaburaki ira na tui, sa vaka na uca vulavula mai Salimoni.

¹⁵Na ulunivanua ni Kalou, sa ulunivanua o Pasani; o Pasani, na ulunivanua sa levu na kena veidelana.

¹⁶Ena cava dau sa vakavuna kina na yaloca oi kemudou na veidelana mai Pasani? Oqo na ulunivanua sa nakita na Kalou me tiko kina. Io, ena tiko kina na Kalou me sega ni mudu.

¹⁷Na qiqi ni valu ni Kalou e ruasagavulu na udolu, io e udolu vaka udolu; sa tiko kina na Kalou, me vaka mai Saioni ena vanua Tabu.

¹⁸O Ni sa tiko e cake, o Ni sa vakabobulataki ira na bobula; o Ni sa taura nai solisoli mai vei ira na tamata, io mai vei ira talega na dau vakaduduile sa tiko talega mai kina na Kalou.

¹⁹Me vakacaucautaki na Kalou, o Koya ena veisiga sa vakasinaiti keda ena ka vivinaka, e veiraurau kei keda. Na kalou ni noda vakabulai! Sela

²⁰Na noda Kalou, sa Kalou ni veivakabulai, ki vua Na Kalou o Jiova, sa nona na dro mai na mate.

²¹Io, Na Kalou ena vakamavoataka na uludra na Nona meca, ena a vakamavoataka talega na uludra sa talaidredre tikoga.

²²Sa tukuna o Jiova,"Era na kautani mai Pasani, era na kautani mai na boto ni sauloa,

²³Na yavamu e vakadasilataki ira ena dra, Na yamedra talega na koli, ena dua na kedra votavota mai vei ira na meca."

²⁴Era sa raica na Nomuni tosotoso, na Kalou, nai tosotoso ni noqu Kalou, na noqu Tui, ki na loma ni valenisoro.

²⁵Era sa liu na daulaga sere, era muri yani na taura nai yaya ni vakatagi; ena kedra maliwa, era tiko kina na goneyalewa tauri tibereli.

²⁶Me vakacaucautaki na Kalou ena i soqosoqo levu, o Jiova, mai nai vurevure kei Isireli.

²⁷O Penijamini lailai sa nodra i liuliu, Na turaga lalai kei Juta kei ira na nona, na turaga lalai kei Sevuloni kei na turaga lalai kei Navitalai.

²⁸Na Kalou sa vakarota na nomu kaukauwa; me vakaukauwataki, Na Kalou, na ka o Ni sa vakayacora tiko vei keimami.

²⁹Ena vuku ni Nomuni valenisoro mai Jerusaleni, o ira na Tui era sa kauta mai nai solisoli vei kemuni.

³⁰Me ra vunauci na manumanu kila ni veico, na qele ni bulumakau kei ira na luvena, mai vei ira na tamata.

³¹Nai lakolako ni veiliutaki era na lako mai Ijipita, mai Iciopia era na dodoka vakatotolo mai na ligadra vua na Kalou.

³²Dou sere vua na Kalou oi kemudou na veimatanitu e vuravura, dou seretaka na vakavinavinaka vei Jiova, Sela

³³Vei koya sa vodoka tiko na Lomalagi ena veiyasana vakalomalagi, o koya sa mai liu sara! Sa dina, sa tala yani na domona na domo e kaukauwa.

³⁴Dou solia na kaukauwa vua na Kalou; Na Nona qoroi sa sinai e Isireli, kei na Nona kaukauwa ena veio.

³⁵Na Kalou, o Ni sa uasivi ena Nomuni vanua Tabu. Na Kalou ni Isireli, sai Koya ga sa solia nai cegu ni kaukauwa kei na kaukauwa vakaidina vei ira na nona tamata, Me vakacaucautaki na Kalou!