[19] Same 71

¹Vei Kemuni Jiova, au sa vakararavi kina; Me'u kakua ni vakamaduataki.

²Mo Ni vakabulai au ena Nomuni yalododonu, Me'u dro rawa; Mo Ni vakarorogo tiko ga mai vei au ka vakabulai au.

³Mo Ni sa noqui tikotiko kaukauwa, me rawa ni'u ravi tikoga kina ena vei gauna; o Ni sa solia nai vakaro ni noqu vakabulai; Ni sai Kemuni na noqu Vatudei ka kaukauwa.

⁴Mo Ni sereki au na Kalou, mai na ligadra na tamata ca, mai na ligadra na tamata sega ni vakabulai kei ira na tamata i valavala kaukauwa.

⁵Sai Kemuni ga na noqui nuinui, Jiova na Kalou; sai Kemuni nai vakadei ni noqu bula ni'u sa cauravou.

⁶Ni'u se qai sucu, sa tiko vei au na Nomuni veitokoni; sai Kemuni ga, sa kauti au tani mai na ketei tinaqu, Na noqu veivakacecerei me sa tiko ga vei Kemuni.

⁷Au sa vaka ga na ka wale vei ira e so, Io, oi Kemuni sa noqui drodro kaukauwa.

⁸Me sa sinai tikoga na gusuqu ena Nomuni vakacerecerei kei na Nomuni vakaiukuukutaki ena siga taucoko.

⁹Me'u kakua ni'u biu tani ni'u sa qase mai, me'u kakua ni guilecavi ni sa malumalumu mai na noqui cegu.

¹⁰Era sa vosacataki au na kequ meca; kei ira na vuni tiko me vesuki au, era sa bosebose vata tiko,

¹¹E ra sa tukuna tiko "Na Kalou sa biuti koya; ciciva ka kauti koya, ni sa sega e dua me vukei koya."

¹²Na Kalou, mo Ni kakua ni yawa mai vei au; Na Noqu Kalou, mo Ni totolo mai ka vukei au!

¹³Me ra sa vakataqayataki, ka vakayali, o ira na meca, ni noqu bula, me ra sa ubi ena veibeitaki kei na madua o ira sa vinakata na noqu vakamavoataki.

¹⁴Io, au na vakanuinui tikoga vei Kemuni ka mo ni vakacerecerei tikotikoga.

¹⁵Na gusuqu ena tukuna tikoga na Nomuni yalododonu, kei na Nomuni veivakabulai ena veisiga kece, ni'u sa sega ni kila na kenai yalayala.

¹⁶Au na lako ena kaukauwa i Jiova na Kalou; au na cavuta tikoga na Nomuni yalododonu, io na Nomuni yalododonu.

¹⁷Na Kalou, o Ni sa vakavoliti au mai na gauna ni cauravou; ka yacova na siga oqo, au se tukuna tikoga na Nomuni cakacaka vinaka.

¹⁸Oqo au sa qase mai ka sikoa na uluqu, Na Kalou, mo Ni kua ni biuti au, me yacova ni'u sa tukuna na Nomuni kaukauwa ki na i matai ni taba tamata, na Nomuni kaukauwa ki vei ira kecega era na lako tiko mai.

¹⁹Na Nomuni yalododonu talega, na Kalou, sa rui cecere, o Ni sa cakava na vei ka lelevu; Na Kalou, o cei sa tauyavutaka kei kemuni?

²⁰O Ni sa vakaraitaka vei au na leqa lelevu ka bibi, o Ni na vakabulabulataki au tale, ka kauti au cake tale mai na boto ni sauloa kei vuravura.

²¹O Ni na vakatubura na noqu dokai, ka vakacegui au ena veiyasana kecega.

²²Ena wa ni vaka tagi, au na vakacecerei kemuniO kei na Nomuni daudina, na noqu Kalou! Vei kemuni au na sere ena Api, ia na lewe duabau ni Isireli.

²³Na tebenigusuqu ena reki vakalevu, ni'u sa sere vei kemuni, kei na yaloqu o Ni sa vakabula lesu mai.

²⁴Na yamequ ena tukuna tikoga na Nomuni yalododonu ena siga taucoko; Ni ra sa veivakamaduataki ka veivakarogorogocataki o ira sa qara na noqu ca.