[19] Same 72

¹Na Kalou, Mo ni solia vua na Tui na Nomuni lewa, na Nomuni yalododonu vua na luveni tui.

²E na lewai ira na Nomuni tamata ena yalododonu, kei ira na Nomuni dravudravua e na lewa dodonu.

³Na veiulunivanua ena kauta mai na sautu vei ira na tamata kei na vei delana na dodonu.

⁴E na kauta mai na lewa dodonu mai vei ira na dravudravua; ena vakabulai ira na luvedra na vakaloloma, ena vakamavoataka vaka ca sara na dauveivakaisini.

⁵Era na rerevaki Kemuni, ena gauna kecega e tiko kina na siga kei na vula, ena i taba tamata kecega.

⁶Ena lako sobu mai o Koya me vaka na uca ena co sa wereci oti, me vaka na uca tau vakamalua sa vakasuasuataka na qele.

⁷Ena Nona veisiga, o ira na yalododonu era na sereki, ena levu talega na sautu, me yacova ni sa sega na vula.

⁸Ena lewa mai na wasawasa e dua ki na wasawasa ka dua, mai na uciwai ki nai yalayala kei vuravura.

⁹O ira sa lako ena Nona lewa, era na cuva vua, o ira na meca, era na kania na kuvu ni soso.

¹⁰O ira na tui mai Tasisi, kei na veiyanuyanu era na tiko, o ira na tui mai Seba kei Siba, era na solia nai loloma.

¹¹Io, o ira na tui kecega era na cuva e Matana; na veivanua era na qaravi Koya.

¹²Ena veivakataucokotaki vei ira na vakaloloma sa dau tagi, na dravudravua, kei ira talega sa sega vei ira na veivukei.

¹³Ena vakavotaki ira na dravudravua kei ira na vakaloloma; ena vakabula na yalodra sa vakalolomataki.

¹⁴Ena vakabula na yalodra mai na vakararawataki kei nai valavala kaukauwa; ena ka taleitaki na nodra dra e matana.

¹⁵Ena bula o koya, na koula mai Seba ena soli vei Koya, na masu talega ena caka tikoga Vua, ka na vakacerecerei tikoga o Koya ena veisiga.

¹⁶Ena levu sara na vuata e vuravura. Ena yaloyalo mai na vuata ni ulunivanua me vakataki Lepanoni; kei ira sa tiko ena koro era na bulabula tu ga me vaka na co e vuravura.

¹⁷Na yacana sa tudei tu ga ka Sega ni mudu. Sa tu ga na yacana, me vaka na siga. Na vei vanua kecega, era na kaci Vua ka tukuna, na dauniveivakalouvinakataki.

¹⁸Me vakacaucautaki na Kalou o Jiova, na Kalou ni Isireli, o Koya sa cakava ga na ka vinaka sara!

¹⁹Me vakacaucautaki na Yacana vakaiukuukutaki me sega ni mudu! O vuravura taucoko me sa sinai ena Nonai ukuuku. Emeni, Emeni.

²⁰Na masu nei Tevita na luvei Jese, sa mai cava.