[19] Same 73

¹Sa dina, na Kalou sa rui vinaka vei ira na Isireli; vei ira sa savasava sara na yalodra.

²Io, vei au, sa voleka ni sikalutu na yavaqu; na noqui kalawa sa voleka sara tiko ni sisi yani.

³Ni'u sa lomacataki ira tiko na dokadoka, ni'u sa raica talega na nodra yaco tiko na tamata ca.

⁴Ni sa sega na i vesu ni nodra mate, sa dei tikoga na nodra kaukauwa.

⁵e ra sa sega ni vakaleqai me vakataki ira eso na tamata.

⁶Sa nodra salusalu na dokadoka, nai valavala kaukauwa, era sa ubi ira kina.

⁷Sa tu ga e matadra na ka me levu; Sa levu na ka sa tu vei ira, mai na ka era gadreva.

⁸E ra sa vosa vakalialia ka vosataka na ka ca, ka vosa vakadomoi levu tu.

⁹Na gusudra sa veivala kei lomalagi, kei na yamedra sa veilakoyaki voli e vuravura.

¹⁰Era sa lesu mai na nona tamata, Era sa vakadrodroya tani na wai mai na bilo sa sinai tu.

¹¹Era sa tukuna, "Sa kila vakacava na Kalou? Sa tu beka na kila vei koya sa cecere sara?"

¹²Mo ni kila sai ira oqo na tamata vakayago, Era sa tauri ira vakamalua; Era sa vakalevutaka na nodra i yau.

¹³Sa dina, sa sega ni yaga na noqu savata na yaloqu, ka savata na ligaqu ena lecaika.

¹⁴E siga taucoko au sa vakatauvimatetaki, ka cudruvi tiko ena veimataka.

¹⁵Kevaka, me'u na tukuna, "Au na vosa oi au." Au na sega ni kune me'u tamata dina vei ira na i taba tamata e muri mai.

¹⁶Ia, ni'u sa vakananuma me'u kila na ka kece oqo, sa ka mosimosi dina”

¹⁷Ia ni'u sa lako ga ki na vale ni Kalou; au sa qai kila kina na nodra i cavacava.

¹⁸Sa dina, o ni sa vakatikori ira ena vanua titidara; o ni sa viritaki ira ki na veivakarusai.

¹⁹Io, era sa vakacataki sara vakasauri, era sa vakayali ena ka e veivakarerei.

²⁰Me vaka na tadra vei koya sa yadra mai, I Jiova, mo Ni yadra mai ka vakatawayagataka na ka era nanuma.

²¹Sa rarawa na yaloqu, sa cudru na lomaqu.

²²Au sa lialia ka lecaika, au sa vaka na manumanu e matamuni.

²³Veitalia ga oqori, au sa tikotiko ga kei Kemuni, o Ni sa tauri au ena Ligamuni i matau.

²⁴O Ni na tuberi au ena Nomuni i vakasala ni oti o ya, o Ni na ciqomi au ena vanua vakaiukuuku.

²⁵O cei tale mai lomalagi?; Oi Kemuni duadua ga, sa sega e dua e vuravura oi Kemuni ga.

²⁶Na yagoqu kei na yaloqu sa malumu mai, Ia, na Kalou, sa kaukauwa ni noqu bula e loma, na noqui votavota me sega ni mudu.

²⁷Sa dina sara, o ira sa yawa mai vei Kemuni, era na rusa. O ni na vakarusai ira kece era na lako tani mai vei Kemuni ka muria na veidauci.

²⁸Io, oi au e yaga vei au me'u toro voleka vua na Kalou; au sa solia vei Jiova na Kalou na noqu vakararavi dina, me'u tukuna kina na Nomuni cakacaka vinaka.