[19] Same 74

¹Na Kalou o Ni sa biuti keimami ena vuku ni cava? Ena cava sa rui kubou levu kina na Nomuni cudru vei ira na sipi ni Nomuni lomanibai?

²Mo Ni nanumi ira na Nomuni soqosoqo, o Ni sa voli ira oti mai na gauna makawa sara. O ira na kawa ni Nomuni votavota, o koya o Ni a voli ira lesu Na Ulunivanua o Saioni, na vanua o Ni sa tiko kina.

³Mo Ni laveta na yavamuni ki na veivakarusai, o ira na meca era sa vakacacana na ka sa tu ena Nomuni Vale Tabu.

⁴O ira na meca, era sa tagi vakadomoi levu ena kedra maliwa nai soqosoqo levu; Na nodra drotini sa tiko me i vakatakilakila.

⁵Era sa vaka na lave matau ena vu ni kau vavaku.

⁶Oqo era sa biuta na ceuceu, na matau kei na i tukituki.

⁷Era sa vakama na Nomuni Vale Tabu. Era sa vakacacana nai tikotiko tabu ni Yacamuni ki na qele.

⁸Era sa tukuna e lomadra, "Me da sa vakarusai ira vakadua." Era sa vakama kece vakadua na vanua ni qaravi Kalou ena vanua.

⁹Keimami sa sega ni raica nai vakatakilakila; Era sa yali na parofita, sa sega e dua e kila ena keimami maliwa, se, sa vaka e vei na kena dede.

¹⁰I Jiova, sa vakaevei soti na dede ni vakalololomataki sa caka tiko oqo? Me ra vosa vakacaca tiko na meca me sega ni mudu?

¹¹Ena cava sa yali tiko kina na Ligamuni? Io, na Ligamuni i matau? Mo ni taura mai ena tolomuni ka vakarusai ira.

¹²Ni sa i Kemuni na noqu Tui sa mai liu sara ka sa dau cakava ga na veivakabulai e vuravura.

¹³O Ni sa wasea na wasawasa ena Nomuni kaukauwa; o Ni sa voroka na ulu ni gata ena loma ni wai.

¹⁴O Ni sa voroka na uluna na manumanu levu vakamatailalai sara, ka solia me kedra na tamata sa tiko ena vanua liwa.

¹⁵O Ni sa dolava nai vurevure kei na waluvu, o Ni sa vakamamacataka na veiuciwai lelevu.

¹⁶Sa Nomuni na siga, sa Nomuni na bogi talega. o Ni sa vakarautaka na rarama kei na siga.

¹⁷O Ni sa vakarautaka nai yalayala kei vuravura; na draki katakata kei na draki batabata.

¹⁸Mo Ni nanuma Jiova, o ira na daubeitaki kei ira na lialia, era sa vosavakacacataka na Yacamuni.

¹⁹Io mo ni kakua ni solia na nodra bula na Nomuni ruve ki vei ira na manumanu kila! Me na kua ni guilecavi na dravudravua.

²⁰Mo Ni doka na Nomuni veiyalayalati; na vanua butobuto e vuravura sa sinal ena yaloca.

²¹Me kua ni lesu mai ena madua o ira na dravudravua kei na vakaloloma, me na mai vakacerecerei Kemuni.

²²Mo Ni tucake na Kalou, mo Ni tukuna ga na Nomuni lakolako. Mo Ni nanuma na tamata lialia, sa veibeitaki tiko ga ena veisiga.

²³Mo Ni kua ni guilecava na domo i koya na kemuni meca na nodra ue o ira na meca, o Ni sa tubu ka rogo levu tikoga.