[19] Same 75

¹Keimami sa vakavinavinaka vei Kemuni, na Kalou, keimami sa vakavinavinaka! Na Nomuni cakacaka vinaka sa tukuna ni sa voleka sara na yacamuni.

²"Ni'u sa digitaka na gauna dodonu, Au na veilewai vakadodonu.

³O vuravura kei ira na lewena sa vakaoti yani; Au sa vakaduria na kena duru. Sela

⁴"Au sa tukuna oti vua na dokadoka, 'Kua ni valavala vakadokadoka,' vei koya talega na tamata ca. 'Kua ni laveta nai leu ki cake.

⁵Kua ni laveta cake na Nomu i leu Kua ni vosa vakadomo leka.'"

⁶Na veilaveti cake e sega ni lako mai na Tokalau se mai na Ra se mai na Ceva.

⁷Na Kalou ga sa Turaga ni lewa, sa vakasivoya e dua, sa laveta cake e dua.

⁸Sa tiko ena ligai Jiova e dua na bilo, Sa damudamu na kena waini; Sa qaqi vakavinaka ka sova yani; Sa dina sara, na kena ca sara era na kumuna na tamata ca e vuravura ka vakayagataka.

⁹Io, au na tukuna tikoga me Sega ni mudu; au na seretaka ka vakacaucautaka na Kalou i Jekope oqo.

¹⁰"Na nodra i leu kece na tamata ca ena musuki tani; io, na nodra i leu na yalododonu ena vakalavelaveti."