[19] Same 76

¹Na Kalou, sa kilai e Juta; Sa cecere na yacana e Isireli.

²E Salemi talega sa tiko kina na Nona vale tabu, Kei na Nona tikotiko sa tiko e Saioni.

³Mai ke'a sa musuka kina na dakai kei na kena gasau, nai sasabai kei na i seleiwau “ Sela.

⁴O Ni sa vakaqoroqoroi ka totoka mai na ulunivanua ni veibacani,

⁵O ira na yalokaukauwa era sa vakamalumalutaki; era sa vakamocelututaki; Ka ra sa sega ni kila na vakayagataka na ligadra na tamata qaqa.

⁶E na Nomuni cudru na Kalou i Jekope, na ose kei na qiqinivalu era sa vakamocelututaki.

⁷Oi Kemuni duadua ga me rerevaki, o cei me tu rawa e Matamuni ena gauna ni Nomuni cudru?

⁸O Ni sa vakavuna me rogoci mai lomalagi na veilewai,

⁹Ni sa tucake na Kalou, me ia na veilewai, me vakabulai ira na vakasaurarataki e vuravura “ Sela.

¹⁰Sa dina sara, na cudru katakata ni tamata ena vakacecerei kemuni; na vo ni cudru katakata, o Ni na ubi kemuni kina.

¹¹Mo yalayala vua na Kalou ka sauma mada; o ira kece sa tiko voleka Vua, me ra kau ka ni loloma mai Vua, o koya ga e dodonu me rerevaki.

¹²E na musuka laivi na yalodra na luve ni tui. Sa rui vinaka o koya vei ira na tui e vuravura.