[19] Same 77

¹Au a tagi yani vakadomoi levu vua na Kalou “ vua na Kalou vakadomoi levu.

²E na gauna dredre, au sa qarai Jiova, sa dodo tiko yani na ligaqu ena bogi taucoko ka sega ni cegu; Na yaloqu sa bese ni vakacegui.

³Au sa nanuma na Kalou, ka vakayavalati; Au sa vakaiulubale, na yaloqu sa vakadrukai. Sela

⁴O Ni sa dolava tiko na bekabeka ni mataqu; au sa sega ni vosa rawa.

⁵Au sa vakananuma na veisiga sa oti, na veiyabaki sa oti yani.

⁶Au vakananuma na noqu sere ena vei bogi; Au vakananuma ki na yaloqu, na yaloqu sa vakasaqaqara tikoga.

⁷Sa na vakayalia, vakadua na ka o Jiova? Sa na sega beka ni veinanumi tale?

⁸Sa oti beka na Nona yalololoma? Sa oti beka na Nona yalayala?

⁹Sa guilecava beka na Kalou na Nona yalovinaka? Na Nona cudru beka sa sogota yani na Nona dauyalololoma? Sela

¹⁰Au sa tukuna, "Sa rui mosi vakalevu na ka oqo; au na nanuma ga na veiyabaki ni ligana i matau na Kalou cecere oqo."

¹¹Au na nanuma na cakacaka i Jiova, sa dina, au na nanuma na vakaqoroqoroi ni Nomuni gauna sa oti.

¹²Au na vakananuma tikoga ki na Nomuni cakacaka kecega, ka veivosaki ena nomuni valavala ni cakacaka vinaka.

¹³Na Nomuni valavala, na Kalou, sa tu ena Vale Tabu; o cei sa Kalou levu me vakataki kemuni?

¹⁴Sa i kemuni ga na Kalou sa cakava na ka lelevu kece oqo; o ni sa vakaraitaka na Nomuni kaukauwa ki vei ira na tamata.

¹⁵E na Ligamuni, o Ni sa voli ira lesu kina na Nomuni tamata, na luvei Joseva, na luvei Jekope. Sela

¹⁶Io, Na Kalou, sa raici Kemuni na wai; Sa raici Kemuni na wai, era sa rere; Sa sautanini na titobu.

¹⁷O ira na o, era sa dolava mai na wai, na lomalagi, sa tala mai na rorogo.

¹⁸Na domo ni Nomuni kurukuru sa tiko ena covulaca; na livaliva sa vakararamataka na vuravura.

¹⁹Na Nomuni sala sa tiko ena wasawasa, nai lakolako ni Yavamuni sa tiko ena wai levu, na Nomuni kalawa sa sega ni kilai.

²⁰O Ni sa liutaki ira na Nomuni tamata me vaka na qele ni sipi ena ligai Mosese kei Eroni.