[19] Same 78

¹Mo ni vakatudaliga mai, na Noqu tamata ki na Noqu vunau; mo ni dolava na daligamuni ki na vosa ni Gusuqu.

²Au na vosa ena vosa vakatautauvata; Au na cavuta na vosa sa vuni tu mai na gauna sa oti,

³O koya, keimami sa rogoca ka kila, era sa tukuna talega vei keimami o ira na tamai keimami.

⁴Keimami na sega ni vunitaka vei ira na gone, me tukuni vei ira nai tabatamamta sa bera mai na cecere ni Kalou, na Nona kaukauwa, na Nona cakacaka sa cakava oti o koya.

⁵Sa tauyavutaka nai tukutuku e Jekope, sa lesia na lewa e Isireli, o koya sa vota vei ira na tamai keimami, me ra vakatakila vei ira na luvedra;

⁶Me ra kila nai tabatamata sa lako tiko mai; o ira na gone ena sucu mai, me ra dautukuna ka vakatuburi ira kina na luvedra,

⁷Me ra na vakanuinui kina vua na Kalou, ka sega ni guilecava na cakacaka ni Kalou, ka maroroya na Nona i vakaro;

⁸Me ra kakua ni vakataki ira na tamadra, nai tabatamata yalo vakavatu ka talaidredre, nai tabatamata e sega ni biuta donu na yalodra, na yalodra talega sa sega ni dina tiko vua na Kalou.

⁹O ira na luvei Efereimi era vakaiyaragi ena dakai titi, era lesu tale ena siga ni vala.

¹⁰E ra sa sega ni maroroya na veiyalayalati ni Kalou; Era sa bese ga ni muria na Nonai vunau,

¹¹E ra guilecava na cakacaka ni Kalou, kei na nona i valavala, e sa vakaraitaka vei ira.

¹²Na veika lelevu sa vakaraitaka ka cakava ena matadra na qase mai Ijipita kei na vanua mai Boa.

¹³Sa wasea na wasawasa, ka sa vakavuna na nodra lako yani; sa vakatucaketaka na wai me vaka e dua na i vesu sila.

¹⁴Ena siga talega, sa liutaki ira ena o, ena bogi taucoko era sa lako voli.

¹⁵Sa vida rua na vatuqiwa mai na vanua liwa, sa solia na wainigunu me vaka na wai titobu sa tovure tiko.

¹⁶Sa kauta talega mai, ena vatuqiwa nai davedave ni wai, na wai sa drodro me vaka na uciwai.

¹⁷Era valavala ca vakalevu ga vei Koya, mai na nodra talaidredre ena vanua liwa vei Koya sa cecere sara.

¹⁸Era sa vakatovolea vaka ca na Kalou ena yalodra, ena nodra kerea vakadokadoka na kakana.

¹⁹Io, era vosa vakacacataka na Kalou, ena nodra tukuna, "Ena rawa beka vua na Kalou me vakarautaka e dua na teveli ni kana ena vanua liwa?

²⁰Sa dina, sa samuta na vatu, io, sa lako mai kina na wai, sa vuabale na so ni wai. Era rawa beka ni solia talega na madrai? Vakaevei ena vakarautaki talega na lewe ni manumanu vei ira na tamata?"

²¹O koya oqo, Na Kalou, sa rogoca ka cudru vakalevu; sa lako mai na bukawaqa vei Jekope na rarawa katakata sa lakovi Isireli talega,

²²Baleta ni sa sega ni vakabauta na Kalou, ka sega ni nuitaka na veivakabulai i Jiova.

²³Sa vakarota na o ni lomalagi e cake, me sa dolavi talega na katuba kei lomalagi,

²⁴Sa vakatauca mai na mana mera kania kei na madrai mai lomalagi.

²⁵Era sa kania na kedra kakana na agilosi; ka sa tala vei ira na kakana me ra sinai sara.

²⁶Sa vakavuna na liwa ni tokalau mai lomalagi; e na Nona kaukauwa sa liwa mai na ceva.

²⁷Sa vakatauca mai na lewe ni manumanu me vaka na kuvu ni soso vei ira, na toa sa vaka na nuku ni matasawa;

²⁸Sa vakavuna me lutu ena kedra maliwa nai soqosoqo, vakavolivolita na nodra i tikotiko.

²⁹era sa kana ka mamau, ni sa solia o koya me vaka na ka era gadreva.

³⁰Sa sega ni kautani na nodra kusikusima; Ia, ni se tikoga na kakana e gusudra,

³¹Na cudru katakata ni Kalou sa lako mai vei ira, sa ravuti ira, ka era sa vakabalei sobu, na tamata digitaki nei Isireli.

³²Ni sa yaco na veika oqo, era se i valavala ca ga, ka sega ni vakabauta na veika sa cakava na Kalou.

³³O koya oqo, sa yaco kina na nodra veisiga me ka wale kei na nodra veiyabaki me ra sa rere tu ga.

³⁴E na gauna era sa vakamavoataki kina, sa lesu mai ka vakasaqara vakaidina na Kalou.

³⁵Era sa qai kila ni sa nodra vatudei na Kalou, kei Koya na Kalou sa cecere sara na nodra i vakabula.

³⁶era sa vakaisina na Kalou ena gusudra, na yamedra sa lasu tiko vei koya;

³⁷Na yalodra sa sega ni dina tiko vua, era sa sega ni dinata tiko na Nona veiyalayalati.

³⁸Ia, o Koya, ni sa sinai sara ena loloma, sa vosota na nodra caka cala, sa sega ni vakarusai ira, Io, sa vakavuqa na Nona vakagolea tani na Nona cudruvi ira, ni sa sega ni vakayavalata na Nona cudru;

³⁹Ni sa kila, ni ra sa vakayago ga, nai cegu sa lako tani yani, ka sa sega ni lesu tale mai.

⁴⁰Sa vakavuqa na nodra vakacudrui Koya mai na vanua liwa, era sa dauvakararawataki koya mai na lekutu!

⁴¹Io, sa vakavuqa sara na nodra temaka na Kalou, ka yalani koya na ka Tabu ni Isireli.

⁴²Era sa guilecava na Nona kaukauwa, na siga sa vakabulai ira kina mai vei ira na meca,

⁴³Na Nona cakacaka e veivakurabuitaki mai Ijipita, kei na veika e yaco mai Soa;

⁴⁴Veisautaka na uciwai me dra, na wai drodro, sa sega ni rawa ni gunuvi.

⁴⁵E ra sa talai yani na yavusa lago kei na boto me vakarusai ira.

⁴⁶Sa soli talega na nodra i teitei vei ira na ruve, na nodra oca vei ira na vodre.

⁴⁷Na vaini sa vakarusai ena cagi kaukauwa ka batabata kei na vu ni lolo ena uca cevata.

⁴⁸Na manumanu ni bai era sa soli ki na cagi batabata kei na livaliva sa waqa tu.

⁴⁹Sa viritaka vei ira, ena Nona cudru katakata na rarawa levu, na veivakararawataki kei na leqa, ena nona tala na agilosi ni veivakarusai kivei ira.

⁵⁰Sa cakava e dua na sala ni Nona cudru, sa sega ni vakavoca e dua na yalo mai na mate, sa solia na nodra bula ki na ka e dauveivakamatei,

⁵¹Sa vakarusai ira na ulumatua mai Ijipita, nai matai ni nodra kaukauwa mai na valelaca nei Ame.

⁵²Sa cakava o Koya vei ira na Nona tamata me ra lako me vaka na sipi, era sa tuberi vinaka ena loma ni lekutu;

⁵³Era sa liutaki vakavinaka, era sa sega ni rere, na wasawasa sa ubi ira na meca.

⁵⁴Sa qai kauti ira mai ki na nona vanua tabu, na ulunivanua sa rawata ena ligana i matau.

⁵⁵Sa vakasavi ira na veimatanitu e matadra, sa solia vei ira nai votavota me ra taukena, nai yalayala, ka vakavuna na yavusa i Isireli mera tiko ena veivale laca.

⁵⁶Io, era se vakatovolea vaka ca ga na Kalou cecere sara oqo, era sa sega ni muria na Nona lewa,

⁵⁷Era sa vuki tani, ka muria na sega veivakabauti me vakataki ira na tamadra. Era sa biu vakatikitiki, me vaka na dauveivakaisini.

⁵⁸Era sa vakacudruya na Kalou me rarawa ena nodra tikina cecere, Era sa vakavuvutaki Koya ena nodra i vakatakarakara.

⁵⁹Ni sa rogoca na Kalou na ka oqo, sa cudru vakalevu sara, ka sa cati Isireli vakalevu sara,

⁶⁰Me sa besetaka na vale vakacevaceva mai Sailo, na valelaca sa biuta tiko ena kedra maliwa na tamata,

⁶¹Ka solia na Nona Kaukauwa me kau vakavesu, kei na Nona i ukuuku ki na ligadra na meca.

⁶²Sa soli ira talega na Nona tamata ki nai seleiwau, ka sa rui cudruvaka vakalevu na Nona i votavota.

⁶³Na bukawaqa sa kani ira na gonetagane.

⁶⁴O ira na nodra bete era mate ena i seleiwau, na watidra era sa sega ni tagi.

⁶⁵O Jiova sa yadra, me vaka mai na moce, sa vaka na tamata qaqa sa kaila baleta na waini.

⁶⁶Sa vakatolosevi ira na Nona meca; ka sa vakamaduataki ira vakalevu sara.

⁶⁷Sa besetaka na vale nei Joseva, Sa sega ni digitaka na yavusa i Eferaimi,

⁶⁸Sa digitaka na yavusa i Juta, Na Ulunivanua o Saioni, sa lomana o Koya.

⁶⁹Sa tara na Nona Vale Tabu me cecere sara, me vaka na vuravura sa vakatikora me sega ni oti rawa.

⁷⁰Sa digitaki Tevita talega na nona tamata o Koya, Sa Kauti koya mai na Nona qele ni sipi;

⁷¹Sa kali koya tani mai vei tinana, me mai vakatawani Jekope na Nona tamata kei Isireli na Nona i votavota.

⁷²Sa qai vakatawani ira o koya me vaka na dina ni yalona, ka sa tuberi ira o koya ena maqosa ni ligana.