[19] Same 93

¹Sa veiliutaki o Jiova, sa vaka i sulu vakaTui, Sa vauci Koya ena kaukauwa, sa dina, sa tauyavutaki o vuravura ka sa sega ni yavalati rawa.

²Na Nomuni tikotiko Vakaturaga sa ka mai liu sara, o Ni sa lako mai na sega ni mudu.

³I Jiova, sa tubu cake na ualuvu, na ualuvu sa tubu cake mai vakadomoilevu, na ualuvu sa vaka ua levu mai.

⁴O Jiova sa cecere sara, sa rui kaukauwa mai na rorogo ni wai e vadugu, mai na veiua kaukauwa sara ni wasawasa.

⁵Sa ka dina sara na Nomuni tukutuku. Na vakatatabu e ganita duadua ga na Nomuni Vale Tabu me sega ni mudu.