[66] Vakatakila 18

¹Ni oti yani na veika oqo, au raica tale e dua na agilosi ni lako sobu mai lomalagi, ka sa ka levu na kaukauwa e tu mai vua, sa roboti vuravura na nona i serau.

²Ka kacivaka tiko mai vakadomoilevu, ka vaka, "Sa bale o Papiloni na koro levu, sa bale, sa caka me nodra i tikotiko tudei na tevoro, kei na veiyalo ca kecega, era na vaqara talega kina na vei manumanu vuka sega ni savasava kecega.

³O ira na veimatanitu e vuravura, era sa vakasesei ena waini ni nona cudruvi ni veidauci, e vakayacora na cakacaka vakasisila oqo vata kei ira na tui kei vuravura, o ira na dauveivoli ni veiyasai vuravura era sa mai vutuniyau ena nona tiko sautu.

⁴Au qai rogoca e dua tale na domo mai lomalagi ka vaka, "Dou lako tani mai vua oi kemudou na noqu tamata, de qai takavi kemudou mai na nona i valavala ca, me qai tau kina vei kemudou na veika ca me baleti iratou.

⁵"Ni sa yaco sara ga ki lomalagi na nona i valavala ca, ka sa nanuma kina na Kalou na nona caka cala.

⁶"Sa cudruvi o koya me vaka na nomudou cudruvi, ka vakarautaka na veika e caka vua, me vaka nona i valavala; nai valavala ga e kaburaka sa saumi lesu tale vua.

⁷"Nai vakarau e cakava ena nona vakacerecerei koya, ka vakavutuniyautaki koya, nai vakarau vata talega o ya, ena saumi kina vua na veivakatotogani kei na ka rarawa; ni sa tukuna e yalona, "au na tiko ena noqu i tikotiko me vaka na ranadi, au sega ni yada, au sega ni bau kila na cava na rarawa!

⁸"O koya oqo na mate ca ena yacovi koya ga ena dua na siga “ o ya na mate, na tagi kei na dausiga. Ena qai vakamai kina bukawaqa, ni sa lewa o Jiova na Kalou Kaukauwa.

⁹O ira na tui kei vuravura era veibutakoci vata, ka ra wasea vata nona vutuniyau, era na rarawa ka tagicaki koya, ni ra sa raica ni sa kuvu cake na kubou ni nona vakamai.

¹⁰Era tucake tu mai vakayawa kei na nodra rere, ena vuku ni veivakatotogani sa vakayacori, era qai tukuna, 'Isa, isa, na koro levu o Papiloni! Na nomu cudruvi e vakayacori ena loma ni dua ga na aua.'

¹¹"O ira na dauveivoli kei vuravura era na tagi ka lolositaki koya, ni sa sega ni qai dua tale me na volivoli vei ira.

¹²"Nai yaya ni veivoli na koula, na siliva, na vatu talei, na mata ni civa, na lineni matai lalai ka lokaloka, nai sulu silika kata damudamu buto, nai saluwaki boi talei, na bilo tabua, kei na kau dredre ni kunei, na varasa, na kaukamea kei na vatu lalai veivolavolai;

¹³"Na sinamoni kei na macou, na waiwai boi yawa kei na kau salusalu kecega, na waini kei na waiwai, na witi kei na witi sa saqa oti, na bulumakau kei na sipi, na ose kei na kena qiqi tui, na yago kei na yalo ni tamata.

¹⁴"Na vua ni kau sa gadreva na lomamu sa kau tani mai vei iko, na i yau talei kei na ka makuwaliliva sa yali tani mai vei iko, o na sega ni na qai kunea tale.

¹⁵"O ira na dauveivoli ka ra sa mai vutuniyau ena vukuna, era na tucake ka raica tu mai ena rere na nona vakararawataki, era na tagi ka veitagicaki,

¹⁶"Era na tukuna, 'Isa, isa, na koro levu ena dua na gauna, edau sulumaki koya ena lineni dina ka kulakula mata buto, sa dau vakaiukuuku ena koula na vatu talei kei na mata ni civa!

¹⁷'Ena loma ga ni dua na aua e vakarusai taucoko kina na ka sa dau domoni kina.' Na kavetani taucoko, o ira na lewe ni waqa, o ira na kaimua ni waqa, kei ira era lako voli e wasawasa mera veivoli, era tucake ka vakasarava tu mai na veika sa yaco.

¹⁸'Ni ra sa raica na kena kuvu cake na kubou ni nona kama era sa qoqolou, ka vaka, ena cava beka mena vakatautauvatani kei na koro levu oqo?'

¹⁹"Era sa qai kaburaka na kuvu ni qele ki uludra, ka tagi lagalaga vakararawa sara, ena nodra tukuna, Isa, isa na koro levu o ya, era sa mai vutuniyau na dau veisokoyaki ena vuku ni yau e taukena! Ka dua ga na aua na kena vakarusai."

²⁰"Mo dou reki ena vukuna, na lomalagi, kei kemudou na apositolo yalosavasava kei na parofita, baleta ena vukumudou e taralaki ira vaka ca sara ga kina na Kalou!"

²¹Sa qai taura cake e dua na agilosi kaukauwa na vatu loa levu ka viritaka kina wasawasa, ka tukuna, ena talaraki sobu vakaukauwa ki ra, na koro levu o Papiloni me sega ni qai laurai tale.

²²Na domo ni dauqiri api, kei ira na dau ni vakatagi, kei na dauvu bitu ni vakatagi, kei na dau ni biukila era na sega ni qai rogoci tale vei iko. Sa sega ni qai dua na matai ni cakacaka me tiko vei iko, se na rorogo ni veivatu lelevu me na rogoci tale vei iko ena dua na gauna.

²³"Sa sega ni qai waqa vei iko na cina ena dua na gauna mo rarama, na domodrau na tagane sa vakawati, kei na yalewa sa vakawati ena sega ni na rogoci tale vei iko. O ira nomu tamata dauvakabisinisi era tamata kilai e vuravura, ena nomu caka mana lasulasu o vakacalai ira kina na veimatanitu e vuravura.

²⁴"E laurai ni tu vei iko na nodra dra na yalosavasava kei ira na parofita, kei ira kecega na vakamatei mai vuravura."