[8] Ruci 1

¹Ena nodra gauna na turaganilewa, sa yaco e dua na dausiga levu ena vanua. Sa dua na tamata mai Peceliema e Juta, sa lako cake kina vanua o Moapi, o koya kei na watina kei rau na luvena tagane.

²Na yaca ni tamata oqo o Elimeleki, na watina o Naomi, oi rau na luvena o Maloni kei KilioniO e ratou kai Efiraca mai Peceliema e Juta. E ratou sa lako ki na vanua o Moapi, ka la'ki tiko kina.

³Sa qai mate o Elimeleki na wati Naomi, sa qai bula tiko o koya keirau na luvena tagane.

⁴Oqo, e rau sa qai vakawati kei na yalewa ni Moapi, na yacana e dua o Oripa kei na yacana nai karua o Ruci. E ratou sa tiko mai kea me tini na yabaki.

⁵Rau sa qai mate ruarua o Maloni kei Kilioni, sa qai bula tikoga o Naomi kei rau na vugona yalewa.

⁶Sa tucake o koya kei rau na vugona, me lako tani mai Moapi, ni sa rogoca o koya ni sa sikovi ira tiko na nona tamata o Jiova ka sa solia tiko na kedra madrai.

⁷O koya oqo, sa lako tani kina o koya mai na vanua sa tiko kina, o koya, kei rau na vugona, e ratou sa lesu tale ki na vanua o Juta.

⁸Sa qai vosa o Naomi veirau na vugona, "Drau lesu tale ki na vale nei tinamudrau. Me caka vinaka vei kemudrau o Jiova, me vaka drau sa caka vinaka veirau na mate kei au talega.

⁹"O Jiova me solia vei kemudrau na vakacegu mai na vale ni watimudrau vou". Sa qai reguci rau, ka rau sa tagi sara vakadomoilevu.

¹⁰E rau sa tukuna vua, "Keirau na lesu vakaidina kei iko ki vei ira na nomu tamata."

¹¹Sa tukuna o Naomi, "Drau lesu tale na vugoqu, na cava drau sa via lako kina kei au?

¹²"Drau lesu tale na vugoqu, drau lako ena nomudrau salaOau sa qase sara, sa sega ni rawa me'u vakawatini tale. Kevaka mada ga me'u tukuna me sa dua na watiqu ena bogi ni kua me'u vakasucuma kina na gonetagane,

¹³"Drau na wawa beka me rau cauravou mai? Drau na sega beka ni vakawati vakatotolo? E sega sara, kemudrau na vugoqu, au sa rui lomabibi ena vukumudrau, ni sa lako siviti au tiko na liga ni Kalou!"

¹⁴E ratou sa veitagicaki vakalevu, o Oripa, sa qai reguci Naomi na vugona, o Ruci sa kabiti na vugona tiko ga.

¹⁵Sa tukuna o Naomi, "Raica sa lesu tale o Oripa vei ira na kai nona, vei ira na nona Kalou, o koya oqo mo muri koya talega o iko."

¹⁶Sa tukuna o Ruci, "Mo kua ni vakatara me'u laivi iko, me'u kua ni muri iko kina; Na vanua o na lako kina, au na lako kina, Na vanua o na tiko kina, au na tiko kina, o ira na nomu tamata era na noqu tamata, Na nomu Kalou ena noqu Kalou.

¹⁷Na vanua o na mate kina, au na mate kina, mai kea talega au na bulu kina. O Jiova me cakava vei au, ka me vakalevu, kevaka me dua na ka me tawasei kedaru? Na mate duadua ga."

¹⁸Ni sa raica o Naomi ni sa dei tiko ga na nona i le o Ruci, sa qai sega tale ni vosa.

¹⁹E rau sa lako sara na lewe rua oqo, ka yaco ki Peceliema. A sa yaco, ni rau sa lako mai ki Peceliema, na koro taucoko sa ue ena vukudrau, era sa vei tukuna yaka na marama, "O Naomi beka oqo?"

²⁰Sa tukuna vei ira ka tukuna, "Dou kua ni kacivi au Naomi, dou kacivi au ga Mara. Ni sa cakacaka vakaca sara vei au o koya sa kaukauwa sara.

²¹"Au a lako ni'u a sinai tu, ia, oqo o Jiova sa kauti au tale mai oqo ki vale ena lala. Na cava dou sa kacivi au kina Naomi ni o Jiova sa vakadinadinataka vei kemudou, ka sa vakararawataki au?"

²²Sa lesu mai o Naomi, kei Ruci na kai Moapi e rau sa lesu mai na vanua o Moapi, oqo e rau sa lako ki Peceliema ena i tekitekivu ni tatamusuki parile.