[8] Ruci 2

¹O Naomi sa wekana voleka o Poasa e dua na wekai Elimeleki voleka duadua, ka sa rui levu na nona i yau.

²Sa vosa kina o Ruci vei Naomi, "Laivi au mada me'u lako ki na veiwere me'u tomitomi sola ni sila mada vei koya, au na kune loloma kina." Sa tukuna o Naomi, "Lako sara na vugoqu."

³A sa lako o koya ka la'ki tomitomi muri ira tiko na tatamusuki. A sa yaco me lako mai o Ruci ki na yasana sa nei Poasa, o koya sa wekai Elimeleki dina.

⁴Sa lako mai o Poasa ka sa vosa vei ira na tatamusuki ka tukuna vei ira, "Me sa tiko kei kemuni o Jiova," era sa sauma lesu vua, "Me vakalouvinakataki kemuni o Jiova!"

⁵Sa taro o Poasa vei koya nai liuliu ni tatamusuki, "O cei na goneyalewa oqo?"

⁶Sa sauma lesu na dauveiqaravi, "Sai koya ga oqo na goneyalewa ni Moapi e a lako vata mai kei Naomi, ena nona lesu mai Moapi.

⁷"Sa kerekere o Ruci vei Poasa, me'u tomitomi ka kumukumuni muri ira tiko na tatamusuki. Sa tomitomi tiko o koya mai na mataka ka yacova mai oqo. Sa cegu vakalailai ga mai vale."

⁸Sa vosa vei Ruci o Poasa, "Mo vakarorogo mada, mo kakua ni lako tale ki na dua na were, tomitomi tiko ga eke, mo tiko voleka ga vei ira na noqu goneyalewa.

⁹"Na matamu me tiko ga ena vanua era sa tomitomi tiko kina ka lako vata tikoga kei ira. Au sa vakaroti ira oti na gonetagane me kua ni dua e tarai iko. Kevaka o sa via gunu, la'ki gunu ga ki na wai era sa vakarautaka oti na gonetagane."

¹⁰A sa dabe sobu o Ruci ka vakacuva na uluna ki na qele ka tukuna vei Poasa, ena cava au sa rui kune loloma kina mai vei iko, "Na cava o sa rui kauwaitaki au kina vakalevu, ni'u sa kai matanitu tani?"

¹¹Sa sauma vua o Poasa, "Sa mai tukuni kece vei au na ka o cakava vua na vugomu ena gauna sa mate oti kina o na watimu. O sa biuta na tamamu kei na tinamú, na nomu vanua o a sucu kina, ka o sa via lako ga mai ki vei ira na tamata o a sega ni kila e liu.

¹²"Me sauma o Jiova na nomu cakacaka, nai sau e taucoko me soli vei iko mai vua na Kalou o Jiova na nodra Kalou na Isireli, o koya o sa mai vakarurugi iko kina ena ruku ni tabana."

¹³"Me'u kune loloma e matamuni na noqu turaga, sa cavuta mai o Ruci, sai kemuni ga sa vakacegui au, ka sa vosataka na vosa ni veiciqomi vua na nomuni vada, e dina ga ni sega ni wili vata kei ira na nomuni vada."

¹⁴Sa vosa vei Ruci o Poasa ena gauna ni kana, "lako mai ki ke, kania na madrai, tonia vata na kemu madrai vata kei na miti. Sa dabe o koya ena yasadra na tatamusuki, sa solia yani vua na kakana o Poasa; sa kana, sa mamau ka sa maroroya na kena vo.

¹⁵Sa tucake o koya me tomitomi sila, sa qai vosa o Poasa vei ira na cauravou, me ra kakua ni vakatatabui koya ena vanua sa tomitomi tiko kina.

¹⁶"Me vakanakiti na kena vakalutumi tiko vua na sila, me rawa ni tomika ka maroroya e so me kakua ni cudruvi."

¹⁷Sa tomitomi tiko ka sa yakavi mai, sa samuta e so na nona tomitomi, ka sa kune e dua nai vakarau vinaka.

¹⁸Sa kauta na nona sila ka lako yani ki na koro, Sa raici koya o nona nei ka sa raica talega na ka sa kauta mai. Sa tukuna mai ka vakaraitaka vua na veika sa maroroya mai, ni sa vakamamautaki oti.

¹⁹Sa tarogi koya o na vugona, "O sa tomitomi e vei ni kua? O cakacaka mai vei? "Me vakalouvinakataki o koya sa kauwaitaki iko." Sa tukuna o koya vei na vugona, kei koya rau a cakacaka vata, "Na yaca i koya na tagane ka i taukei ni cakacaka o Poasa."

²⁰Sa vosa vei na vugona o Naomi ka vaka, "Me vakalouvinakataki o Jiova o Koya sa sega ni vunitaka na nona vinaka vei ira na bula kei ira talega na mate!" Sa qai tukuna o Naomi vua, "Na tamata oqo sa wekadaru dina, ka wekadaru voleka duadua."

²¹Sa tukuna o Ruci, sa vosa oti vei au o koya, 'me'u tiko voleka ga vei ira na nona cauravou me yacova ni sa oti na tatamusuki.'"

²²Sa vosa o Naomi vei Ruci, "E vinaka mo lako vata kei ira na goneyalewa, me ra kua tale ni sotavi iko o ira na tamata ena dua tale na were."

²³Sa qai tiko voleka ga o Ruci kei ira na goneyalewa nei Poasa me yacova ni sa oti na tatamusuki.