[8] Ruci 4

¹Sa lako cake o Poasa ka la'ki dabe toka ena matamata ni koro; ka raica, sa lako mai na wekana sa vosa kina o koya. Sa kacivi koya o Poasa, ka tukuna "Dabe sobu na wekaqu" sa qai lako mai vakatikitiki okoya ka dabe sobu.

²Sa kaciva tale mai o koya e tini tale na qase ena koro, ka tukuna "Mo ni dabe eke".Era sa dabe sara era.

³Sa qai vosa vei koya na wekana voleka, "O Naomi ena nona lesu mai ena vanua o Moapi, sa volitaka na tikini qele e nei Elimeleki na tacidaru.

⁴"Au sa nanuma me'u tukuna vei iko, 'Mo volia ena matadra na qase ni tamata, mo volia ga; kevaka o sa via volia. Kevaka sa sega, mo qai tukuna; me'u volia oi au'". Au sa tarogi iko kevaka o sa sega, "Au na volia oi au."

⁵Sa vosa o Poasa, "Na siga o sa volia kina na qele mai na ligai Naomi, mo volia talega na yalewa ni Moapi o Ruci, sa mate na watina, mo vakatubura e dua me wili veikoya nai votavota."

⁶Sa tukuna na wekana voleka, "au sa sega ni rawa ni volia oqo, de'u qai vakacacana na noqu i votavota. Mo volia ga o iko, Poasa, na ka sa noqu vakadodonu, ni'u sa sega ni rawa ni volia"

⁷Oqo sa kena i vakarau vei ira na Isireli me baleta na veivoli kei na veisau ni ka, me vakadeitaki oqo: Me luvata na nona i vava e dua ka solia yani vei koya ka dua. Sa vaka oqo na kenai vakarau vei ira na Isireli.

⁸Sa vosa vaka oqo na wekana voleka vei Poasa, "Mo volia ga o iko, " sa qai luvata na nonai vava.

⁹Sa qai vosa o Poasa, vei ira na qase kei ira kecega na tamata, "o ni sa vakadinadina e daidai ni'u sa volia na ka kecega sa nei Elimeleki kei na ka kece sa nei Kilioni kei Maloni mai na ligai Naomi.

¹⁰"Oqo, o Ruci na kai Moapi na wati Maloni, au sa taura me watiqu, me vakatura na yacadra na mate ena nona i votavota, me kua ni yali kina na yacadra mai vei ira na wekana ena matamata ni nona i tikotiko, o ni sa kena i vakadinadina e daidai."

¹¹Era sa tukuna kece na tamata era sa tu ena matamata kei ira na qase, "Keimami sa kena i vakadinadina. Jiova me cakava vua na yalewa sa lako mai ki na nomu vale me vaka sa cakava vei Raijieli kei Lia oi rau oqo e rau sa tara cake na vale nei Isireli; mo tamata yaco e Efiraca, ka mo tamata rogo e Peceliema.

¹²"Me yaco na nomu vale me vaka na nei Feresi, o koya sa vakasucuma o Tamari vei Juta, me vakakina nai vurevure ena solia vei iko o Jiova mai vua na yalewa oqo."

¹³Sa tauri Ruci o Poasa me watina; sa curu vua ka sa kunekune sara, sa vakatubura e dua na gonetagane mai vei Jiova.

¹⁴Era sa tukuna vei Naomi na marama, "Me vakacaucautaki o Jiova," ni sa sega ni vakatara me sega na wekamu voleka; me levu ka cecere na yacana e Isireli!

¹⁵"O koya me solia lesu vei iko na bula, me dau vakani iko ena nomu veigauna ni qase; ni sa vakasucuma mai e dua na gonetagane vei koya na vugomu daulomani ka uasivi cake vei iratou na luvemu tagane e vitu."

¹⁶Sa taura na gone o Naomi, sa biuti koya e lomaserena, ka sa susugi koya.

¹⁷O ira kece na yalewa ni vanua o ya era sa solia vei koya na yaca ka ra tukuna, "Sa sucu vei Naomi e dua na gonetagane." Era sa vakatoka me yacana o Opeti. Sai koya na tamai Jese, na tamai Tevita.

¹⁸Oqo na kawa i Veresi, o Veresi na tama i Eseroma;

¹⁹O Eseroma na tama i Rami, kei Rami na tamai Amenatave;

²⁰O Amenatave na tama i Nasoni, kei Nasoni na tama i Salimoni;

²¹O Salimoni na tamai Poasa, kei Poasa na tama i Opeti;

²²O Opeti na tama i Jese, kei Jese na tama i Tevita.