[22] Sere I Solomoni 1

¹Na Sere Ni Veisere Sa Nei Solomoni Na Kana Magiti. Na Sulamaiti

²Me reguci au o koya ena i regu ni gusuna “ Ni sa vinaka o iko mai na waini.

³Baleta ni sa boiboi kaloni na nomu i lumu, na yacamu sa i lumu sareguregu: O koya oqo, era sa domoni iko kina na goneyalewa.

⁴Tuberi au yani! Keimami na cici muri iko yani. Na Sulamaiti Na Tui sa kauti au mai ki na nona loqi. Keimami na marau ka rekitaki iko. Keimami na nanuma ga na nomu loloma ni vinaka cake mai na waini. Na Sulamaiti Dina taucoko, era sa vinakati iko.

⁵Au sa baloa ka matavinaka, oi kemudou na goneyalewa ni Jerusalemi, Me vaka na vale laca mai Kitari, Me vaka na vale latilati i Solomoni.

⁶Kakua ni raici au mai, baleta ni'u sa dabuiloa ni sa kati au na matanisiga. O ira na ganequ, era sa cudruvi au; Era sa cakava me'u vakatawa ni were ni vaini, Au sa sega kina ni vakatawa rawa na noqu were ga vakai au.

⁷Tukuna mai, o iko au sa lomana, o sa vakani ira tiko E vei na qelenisipi? Era sa dauvakacegu E vei ena sigalevu? Ena cava, me'u dau ubi au tiko kina, me vaka na kena vo ni qele ni sipi? Na Daulomani

⁸Kevaka o sega tiko ni kila, o sa rui totoka mai vei ira kecega na yalewa, o sa muria tikoga nai kalawa ni qele ni sipi Ka vakani ira tiko na luveni me, ena yasa ni nona vale nai Vakatawa.

⁹Au sa vakatautauvatani iko, noqu daulomani, me vaka na noqu ose yalewa gone ena kedra maliwa na kareti nei Fero.

¹⁰Na balumu sa dravia ka vakai ukuukutaki, Na domomu sa vakaitaube ena wa koula.

¹¹Keimami na cakava vei iko nai ukuuku koula tuvani vinaka ena siliva. Na Sulamaiti

¹²Ni sa dabe tiko na Tui ena nona teveli Na noqu vunikau dauboi, sa solia mai na kena i boi vinaka.

¹³Ai vau mura na noqu daulomani ki vei au, ena bogi taucoko, sa davo koto ena maliwa ni sucuqu.

¹⁴Na noqu daulomani ki vei au, sa vaka nai vutu senikau totoka ena veiwere ni vaini mai Enaketi. Na Daulomani

¹⁵O sa rui totoka na noqu daulomani! O sa rui totoka! Sa tu vei iko na yaloka ni mata ni ruve. Na Sulamaiti

¹⁶O sa rui mata vinaka, na noqu daulomani! Io, sa rui vinaka! Na noqui davodavo sa rui ka vou.

¹⁷Na sitari sa i coka ni vale, Sa i sa ni vale na damanu.