[22] Sere I Solomoni 3

¹Ena bogi ena noqu i davodavo, au sa qarai koya ka'u sa lomana; Au sa qarai koya, ia, au sa sega ni kunei koya.

²Au sa tukuna," au na tucake oqo," "au na lakova na koro; na veisalatu ni veitikotiko me'u vakasaqarai koya kau sa lomana." Au sa qarai koya, au sa sega ga ni kunei koya.

³Nai vakatawa sa veilakoyaki voli ena koro, sa kunei au; "Au sa tarogi koya, o sa raici koya beka, o koya au sa lomana?"

⁴Sa kune vakadredre o koya, ni'u sa raici koya ka'u sa lomana, au na vesuki koya me kua ni yali tale mai vei au, me yacova ni'u sa kauti koya mai ki na vale nei tinaqu, e na nona loqi sara o koya sa kunekunetaki au.

⁵Au sa vakaroti kemudou, na goneyalewa ni Jerusalemi, kemudou na me kila, kemudou na luveni me ni vanua, dou kua ni veivakayavalati se veivakayadrati, me yacova ni sa oti na veivakacegui. Na Sulamaiti

⁶O cei oqo sa lako tiko mai ena vanua liwa, sa vaka na o kubou, Sa vakaboivinakataki ena mura kei na Asi, Kei na noda ka boi vinaka kece na dauveivoli?

⁷Io, oqo nai lakolako nei Solomoni kei ira na onosagavulu na nona tamata qaqa sa vakavolivoliti koya, mai vei ira na qaqa ni Isireli.

⁸Era sa tauri i sele kece, ni ra sa tamata qaqa ni valu sa dui kabiti ira tu ga na nodra i sele, baleta na rerevaki ni bogi.

⁹Na kau mai Lepanoni, sa cakava kina o Solomoni na nona kareti.

¹⁰Na kena duru e siliva ka tokoni ena koula, nai dabedabe e lokaloka, Na lomana sa boro ga ena veilomani.

¹¹Dou lako yani na goneyalewa ni Saioni ka raici Solomoni na Tui kei nai sala vakatui, sa vakaisalataki koya kina o tinana ena siga ni nona vakamau, na siga sa marau kina na yalona.