Sálmarnir 20

¹Drottinn bænheyri þig á degi neyðarinnar, nafn Jakobs Guðs bjargi þér.

²(20:3) Hann sendi þér hjálp frá helgidóminum, styðji þig frá Síon.

³(20:4) Hann minnist allra fórnargjafa þinna og taki brennifórn þína gilda. [Sela]

⁴(20:5) Hann veiti þér það er hjarta þitt þráir, og veiti framgang öllum áformum þínum.

⁵(20:6) Ó að vér mættum fagna yfir sigri þínum og veifa fánanum í nafni Guðs vors. Drottinn uppfylli allar óskir þínar.

⁶(20:7) Nú veit ég, að Drottinn veitir hjálp sínum smurða, svarar honum frá sínum helga himni, í máttarverkum kemur fulltingi hægri handar hans fram.

⁷(20:8) Hinir stæra sig af vögnum sínum og stríðshestum, en vér af nafni Drottins, Guðs vors.

⁸(20:9) Þeir fá knésig og falla, en vér rísum og stöndum uppréttir.

⁹(20:10) Drottinn! Hjálpa konunginum og bænheyr oss, er vér hrópum.