Sálmarnir 6

¹Drottinn, refsa mér ekki í reiði þinni og tyfta mig ekki í gremi þinni.

²(6:3) Líkna mér, Drottinn, því að ég örmagnast, lækna mig, Drottinn, því að bein mín tærast.

³(6:4) Sál mín er óttaslegin, en þú, ó Drottinn - hversu lengi?

⁴(6:5) Snú þú aftur, Drottinn, frelsa sálu mína, hjálpa mér sakir elsku þinnar.

⁵(6:6) Því að enginn minnist þín í dánarheimum, hver skyldi lofa þig hjá Helju?

⁶(6:7) Ég er þreyttur af andvörpum mínum, ég lauga rekkju mína í tárum, læt hvílu mína flóa hverja nótt.

⁷(6:8) Augu mín eru döpruð af harmi, orðin sljó sakir allra óvina minna.

⁸(6:9) Farið frá mér, allir illgjörðamenn, því að Drottinn hefir heyrt grátraust mína.

⁹(6:10) Drottinn hefir heyrt grátbeiðni mína, Drottinn tekur á móti bæn minni.

¹⁰(6:11) Allir óvinir mínir skulu verða til skammar og skelfast mjög, hraða sér sneyptir burt.