Забур жырлары 136

¹Жаратқан Ие ізгі, Оны мадақтаңдар, Рақымы Оның мәңгіге ұласады,

²«Тәңірлерден» жоғары Құдайды мақтаңдар, Рақымы Оның мәңгіге ұласады,

³Иелердің ��есін мадақтаңдар, Рақымы Оның мәңгіге ұласады!

⁴Жалғыз Өзі ұлы кереметтер жасайды, Рақымы Оның мәңгіге ұласады,

⁵Ол көкті даналықпен жаратты, Рақымы Оның мәңгіге ұласады,

⁶Жер бетін теңіз суынан жоғары орнатты, Рақымы Оның мәңгіге ұласады,

⁷Аспанда үлкен шырақтар жаратты, Рақымы Оның мәңгіге ұласады,

⁸Күндізді билейтін күнді жаратты, Рақымы Оның мәңгіге ұласады,

⁹Түнді билейтін ай мен жұлдыздарды жаратты, Рақымы Оның мәңгіге ұласады!

¹⁰Ол Мысырды жазалап тұңғыштарын құртты, Рақымы Оның мәңгіге ұласады,

¹¹Сол елден Исраилді бастап алып шықты, Рақымы Оның мәңгіге ұласады,

¹²Мұны зор құдіретімен жүзеге асырды, Рақымы Оның мәңгіге ұласады,

¹³Қамысты теңізді қақ айырды, Рақымы Оның мәңгіге ұласады,

¹⁴Ортасымен Исраил халқын алып шықты, Рақымы Оның мәңгіге ұласады,

¹⁵Перғауын мен әскерін теңізге батырды, Рақымы Оның мәңгіге ұласады!

¹⁶Ол өз халқын иен даламен бастап жүрді, Рақымы Оның мәңгіге ұласады,

¹⁷Ұлы патшаларға соққы берді, Рақымы Оның мәңгіге ұласады,

¹⁸Күшті патшалардың көзін құртты, Рақымы Оның мәңгіге ұласады,

¹⁹Аморлықтар патшасы Сихонды жойды, Рақымы Оның мәңгіге ұласады,

²⁰Әрі Башан патшасы Огты да жеңді, Рақымы Оның мәңгіге ұласады,

²¹Олардың жерлерін иелікке тапсырды, Рақымы Оның мәңгіге ұласады,

²²Құлы Исраилге мұралыққа табыстады, Рақымы Оның мәңгіге ұласады!

²³Нашар халімізде бізді назарында ұстады, Рақымы Оның мәңгіге ұласады,

²⁴Жауларымыздың қолынан құтқарды, Рақымы Оның мәңгіге ұласады,

²⁵Ол барлық жан иелерін тамақтандырады, Рақымы Оның мәңгіге ұласады,

²⁶Көктегі Құдай Иені мадақтаңдар, Рақымы Оның мәңгіге ұласады!