Забур жырлары 23

¹Жаратқан Ием — менің Бағушым, Мен еш нәрседен де тарықпаймын.

²Ол мені жасыл жайлауға жаяды, Тұнық суға жетелеп апарады.

³Ием жаныма к��ш дарытады. Есімі «Қасиетті» деп аталады, Содан артамын Оған сенімімді: Ол мені тура жолмен жетелейді.

⁴Қап-қараңғы шатқалда жүрсем де мен, Қорықпаймын ешбір қауіп-қатерден, Себебі Өзің менің қасымдасың, Жігер береді сойылың мен таяғың.

⁵Сен маған дастарқан жаясың Көз алдында дұшпандарымның, Мені құрметпен қарсы аласың, Тостағанды толтыра құясың.

⁶Жақсылық пен мейірімділік Үлесім болады өмірлік, Жаратқан Иенің үйінде Мен қала беремін мәңгілік.