Забур жырлары 29

¹Ей, мықтылар, Жаратқанды дәріптеңдер, Иеміздің құдіретін құрметтеңдер,

²Жаратқанның есімін даңқтап қадірлеңдер, Қасиетті салтанатпен Оған бас иіңдер!

³Жаратқанның дауысы сулардың үстінде, Ұлылық Иесі — Құдай күркіреуде, Жаратқан гүрілдейді зор сулардың үстінде.

⁴Жаратқанның даусы тым құдіретті, Жаратқанның даусы асқан айбатты.

⁵Оның даусы самырсынды сындырады, Ливанның самырсындарын құлатады,

⁶Ливанның тауларын бұзаудай секіртеді, Хермон тауын жас бұқадай сілкінтеді.

⁷Жаратқанның дауысы от-жалын шашады,

⁸Оның дауысы иен даланы шайқалтады, Қадештегі айдаланы да сілкінтеді.

⁹Жаратқанның дауысы емендерді сілкілейді, Орман ағаштарының жапырақтарын түсіреді. Киелі үйінде бәрі «Ұлылық!» деп айтады.

¹⁰Жаратқан топан су үстінде тақта отырады, Жаратқан патша болып мәңгі тақта отырады.

¹¹Жаратқан Ие өз халқына күш дарытады, Тыныштық сыйлап ақ батасын қондырады.