Забур жырлары 67

¹Я, Құдай, рақымды болып, жарылқай гөр, Бет-жүзіңнің нұрын бізге түсіре гөр.

²Бүкіл ж��р бетінде Сенің жолың мәлім болсын, Барлық халықтарға құтқаруың аян болсын!

³Уа, Құдай, халықтар Сені мадақтай берсін, Күллі ұлттар Өзіңе мақтау айта берсін!

⁴Рулар қуана-қуана ән шырқай берсін, Себебі Сен ұлттарды әділдікпен билейсің, Жер бетіндегі руларға дұрыс бағыт сілтейсің.

⁵Уа, Құдай, халықтар Сені мадақтай берсін, Күллі ұлттар Өзіңе мақтау айта берсін!

⁶Сонда жердің топырағы бізге өнімін сыйлар, Һәм Құдай, сиынған Құдайымыз, бізді жарылқар.

⁷Лайым Құдай бізді жарылқай берсін, Бар жердегі адамдар Оны қастерлесін!